【廉政行動2019】點名讚陳家樂陳瀅 監製林超賢:睇完片放心晒

撰文:
最後更新日期:

林超賢多數處理、執導電影拍攝,所以這次《廉政行動2019》都會給觀眾有類似電影的觀感享受。

最近一集TVB娛樂新聞台播出的《StarTalk》,請來了無綫重頭劇《廉政行動2019》的監製林超賢以及演員之一的陳家樂。林超賢接受主播許文軒(Edmond)專訪,監製林超賢表示,此次已經是他第6次拍攝「廉政行動」的題材(註:他過往有《廉政行動2011》,《廉政行動2014》,也有電影《激戰》、《湄公河行動》等作品)。他在訪問中說:「第一次係2004年擔任導演,今次身份改變咗,因為時間上冇以前咁充裕,但又想繼續參與,所以導演一職就交俾四位新導演,自己就自薦擔任監製。今次做監製可以更客觀處理同埋會冷靜啲,只要ICAC一日唔拒絕我,我一日都會幫手參與。」

陳家樂、林超賢在《StarTalk》中接受主播許文軒的訪問。

此次電視劇拍攝,除了有鄭則仕、曹永廉、滕麗名、黃智賢等資歷較深的演員外,更有如陳家樂、陳瀅這些新進演員。林超賢在訪問中,亦都特別點名大讚兩位的演出。「佢哋兩個出奇地有火花,最初真係有擔心,佢哋始終較年輕,演出經驗有限,要喺五集入面演繹橫跨10年嘅角色一啲都唔容易,但當我睇完片之後就放心,證明佢哋有做功課。」他又說:「鄭則士每一個鏡頭同佢嘅演出都好有味道,甚至乎有佢出現,會令到一齊演出嘅人都唔同咗,一個有份量嘅演員可以影響到任何一樣嘢。」而陳家樂又說:「真係受寵若驚,搞到有啲壓力,以前會擔心導演點睇自己,依家人大咗會擔心自己角色較多,其實自己準備好個角色,導演自然會欣賞會睇到。」

+12
+11
+10


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。