【鐵探】首套無綫劇足本登陸Netflix 監製蘇萬聰:全世界都睇到

撰文:
最後更新日期:

由三屆金像影后惠英紅、金像獎男配角得主姜皓文、許紹雄、盧宛茵、黃智賢、袁偉豪以及蔡思貝主演的無綫新劇《鐵探》,是TVB鮮有以警隊最高階級人員為背景的劇集,題材富有新鮮感。該劇不只會在TVB播出,還率先在內地播映,內地開播至今收視都相當理想。而剛在TVB播出了首周,亦已迎來很好的口碑,觀眾同網民都大讚劇中一眾演員演技出色,故事亦很有追看性。最新還有一個好消息,就是該劇將會在Netflix上架,在TVB播放完畢後,將會獲安排在Netflix上足本播放,亦是首套登陸Netflix的TVB劇集。

《鐵探》喺tvb播完後就會喺netflix上架。(劇照)

《香港01》就有關消息致電該劇的監製蘇萬聰求證,他親口證實了這個消息,表示:「係呀,嚟緊會喺Netflix上架,但係實際日期我就未知,我都係噚晚聽公司宣布呢個消息先知道,其他細節我仲未知。咁我當然好開心啦,以我所知到時係會有16種語言嘅字幕,同埋呢個平台係世界各地都睇到嘅,咁就可以畀多啲人接觸到港劇。(係咪足本播放?) 應該係喇,因為我手上都係得呢個30集嘅版本。(係咪會冇廣告?) 我估冇喇,我一向喺Netflix睇劇都係冇廣告嘅。」可以全集一氣呵成睇晒係爽嘅!

該劇監製蘇萬聽親口證實咗有關消息。(資料圖片)

一齊睇下《鐵探》嘅精彩片段:

+31
+30
+29


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。