【致所有愛過的人】拍攝閘門擊傷頭部 林文龍:充晒血好似就爆

撰文:
最後更新日期:

林文龍、黃翠如8號晚出席在九龍塘舉行的無綫劇集《致所有愛過的人》煞科晚宴。日前兩人拍攝逃出閘門戲份時,林文龍被木製閘門意外擊傷頭部,即時受傷倒地,文龍提起事發經過仍有餘悸:「當時打中個頭嗰下,我諗住已經爆咗,我用手撳住個頭嘅時候,感覺到嗰個位腫晒,成舊嘢充晒血好似就爆,你哋睇到啲相已經唔係第一時間傷勢。」

林文龍、黃翠如出席《致所有愛過的人》煞科晚宴。(劉智源攝)

翠如更表示,林文龍是其救命恩人:「當時我都係驚,見到佢受傷瞓咗喺地度,知道佢非常之痛,大家都唔敢郁佢住,等咗一陣然後扶佢埋一邊坐,大家睇到個傷勢都好嚴重,可能龍爺平時做開運動,佢竟然頂得到繼續開工,真係好犀利,我睇返片,我係龍爺較前少少位置,如果打中我,我諗真係好大件事。」

林文龍拍攝受傷,仍堅持完成戲分,果然夠專業。(劉智源攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。