【鐵探】70歲石修入行60多年 保持外表50幾歲全靠少啲做

撰文:
最後更新日期:

石修今天(9日)出席TVB電視劇《鐵探》的宣傳活動,劇集已播出一段時間,修哥留意到反應十分好,非常安慰:「無論人物故事大家都好有火花。」修哥今年已經70歲,不少網民看完《鐵探》以為他只有50多歲,修哥笑言有數計:「我7,8歲就開始入行做戲,我做咗成60幾年都冇停到,有時候我覺得工作上好難有年齡限制,如果我仲有呢個精神體力同狀態,我都會繼續一路拍戲。」

修哥透哥這劇集在籌備故事方面差不多有三年。(梁碧玲攝)

不少網民好奇修哥如何能保持年青,他亦大方分享保養方法:「其實我哋都市人生活同工作比較緊張,尤其做我哋呢行日以繼夜去拍戲,真係要靠住一份興趣嚟維持,以我嚟講係工作時間咁忙我會爭取時間休息,少啲出去應酬,我哋叫做充電,至於食方面依家大家都鍾意食香口同重口味嘅嘢,我都盡量少食。」

修哥因工作關係也未能每晚追看《鐵探》,但他說到會錄影之後再看。(梁碧玲攝)

修哥指保持心態年青非常重要,所以他也緊貼潮流,眼見年輕人總會常玩Instagram,修哥直言已準備開一個帳號與大家交流:「我覺得要跟,因為依家係一個年青人世界,唔可以同年青人脫節,咁佢哋識乜嘢就去跟乜,跟都好㗎,畀你知依家發生緊乜事。」

原來修哥已經70歲了,網友驚嘆其外表相當年青。(梁碧玲攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。