【詭探前傳】新劇將硬撼TVB《鐵探》 鄭少秋:我有信心!

撰文:
最後更新日期:

鄭少秋(秋官)昨日(10日)出席ViuTV節目巡禮發布會,今次他主演劇集《詭探前傳》,飾演「茅山高人」兼師傅彭百川,秋官表示:「我鍾意呢個戲啊,我嘅角色係一個哲學教授,要幫警方破解有關靈異嘅案件,我身邊都發生咗好多靈異嘅事,亦都令到我傷亡慘重,最得意嘅係,我有一段感情好似『人鬼情未了』咁樣,劇情幾吸引我。」

秋官透露在《詭探前傳》中,他演一個很深情的丈夫。(陳順禎攝)

對於被外界指此劇與TVB播的《鐵探》對撼,秋官就話兩套劇劇種不同:「以前嘅《詭探》亦都得到好好嘅口碑,亦都將之前嘅觀眾帶咗過嚟,經過我哋今次再編排,好用心,我有信心!」

秋官覺得劇集每日播半小時是較短,但他認為是ViuTV的策略,會有更明快的節奏。(陳順禎攝)

早前秋官女兒鄭欣宜(Joyce)接受傳媒訪問時話自己不看鬼片,笑言拒絕捧爸爸場,被問到秋官會否不開心,他表示:「佢咪唔好睇嗰啲得人驚嘅鏡頭囉,淨係睇我咪得囉,靚靚咪得囉,型型咪得囉,不過好奇怪,Joyce佢唔敢睇鬼怪片,但係佢鍾意睇喪屍片喎。」

+10
+9
+8


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。