演唱會優先訂購瞬間售罄 容祖兒籲勿光顧黃牛：買黃牛就好Crazy
撰文：賴家杰
出版：更新：
容祖兒昨天（11日）出席《微博星耀盛典》頒獎典禮活動，奪得「微博年度影響力歌手」獎項，對於影響力這件事她本人表示是一件很虛浮的事：「好簡單，今日大家見到我或者聽到我首歌，心情有好啲嘅話，我就覺得好足夠。」
容祖兒出席《微博星耀盛典》頒獎典禮活動。（陳順禎攝）
活動當日亦是Joey演唱會門票優先發售日，開賣後瞬間售罄，更有黃牛黨將演唱會票價炒到2萬多元一張，Joey笑言得知售罄是非常開心：「其實琴日好緊張，因為得知今日預售，起身過咗九點，都即刻上網望望，都有朋友通水話幾好，咁轉頭公司都同我講賣哂，咁係非常好消息，無論我開幾多次演唱會都好，同埋千奇唔好買黃牛，如果買黃牛就好Crazy。」
祖兒表示演唱會一定會加場。（陳順禎攝）
活動後祖兒馬上離場，因為要趕去做古巨基演唱會嘉賓，祖兒表示因為上一次做不到基仔嘉賓，自己覺得有點遺憾：「今次做嘉賓好開心，會唱同佢經典嘅串燒歌曲，我綵排時候都已經好感動。」
祖兒指20周年演唱會一定會請嘉賓，其中一定有古巨基份。（陳順禎攝）