【勝利醜聞】舊愛黃荷娜涉吸毒被捕 朴有天遭限制出境
撰文：鄺鈺瑩
出版：更新：
朴有天於記者會上強調自己沒有吸毒，也沒有勸黃荷娜吸毒，更表示為了重新演戲和進行演藝活動，每天都會鞭策自己。但轉頭佢已經被警方到為嫌疑人，並限制出境。（視覺中國）
朴有天舊愛黃荷娜因涉嫌吸毒上星期被警方拘捕，黃荷娜接受調查時，聲稱因有藝人A某向她注射毒品，才令她成為癮君子。外界唔少人都推測A某就係朴有天，為免愈描愈黑，朴有天於上周三(10日)舉行記者會，否認自己係黃荷娜口中所指嘅A某，並透露自己曾以飲酒或服用處方安眠藥，解決失眠問題。
朴有天同黃荷娜曾經係發展到談婚論嫁的地步，但如今已經變為各自指責對方的關係。
到底邊句係真邊句係假呢？據韓媒MBC《News Desk》報道，警方已掌握朴有天涉嫌吸毒嘅證據，亦將會禁止朴有天出國，預計下週傳喚進行調查。另外，亦有報道指警方取得黃荷娜寓所嘅CCTV片段，包含今年初朴有天出入嘅蹤影，由於二人去年秋天已經分手，但如今仍有來往，難怪會遭到警方將朴有天當作嫌疑人身份立案調查。
黃荷娜上周因涉嫌吸毒被拘留。