【黃心穎許志安】賤男偷食有樣睇 ViuTV新節目教你睇「通姦線」
撰文：鄺鈺瑩
出版：更新：
黃心穎偷食人夫許志安，轟動全城，與此同時，亦製造了不少「抽水商機」，由九巴、車cam到遊戲機手掣，真係抽到盡。而ViuTV節目《點相》最新一集竟然咁啱得咁橋講「賤男」。
雖然嘴歪化表鍾意講大話，但皓云師傅話唔包括中風後嘴歪。
據主持人皓云師傅表示，原來偷食係有樣睇的：「面相上睇一個人係唔係騙子，可以先睇嘴巴，口為出納宮，一個人個嘴歪、牙與牙之間分開，代表呢個人非常鍾意講大話。如果男性眉尾好彎又帶水注注，代表呢個人容易因感情而失去理智，眼細長有淚水的話，叫來者不拒。」
大家快啲留意下身邊朋友有無呢條「通姦線」。
而代表一個人嘅意志同鬥志嘅山根位，皓云師傅話如果喺山根位置上有條好細好幼嘅線，呢條線被稱為「通姦線」，在男方出現主妻有通姦之事， 在女方出現則主夫有通姦之舉。「呢種人專門跟同老婆好姐妹、朋友偷食」。