【鄭秀文許志安】黃心穎IG密晒名牌戰利品:我係好活在當下嘅人

撰文:
最後更新日期:

黃心穎近年備受公司力捧,收入大增當然要對自己好啲,買品牌絕不手軟。

與人夫許志安後偷食後,黃心穎連日來猛烈批評,形象大插水,無論係代言廣告抑或參演劇集都即時連人一齊放入雪櫃。對於被指搭上人夫,有網民認為黃心穎此舉純粹係好勝、貪慕虛榮。是否屬實,相信只有當事人最清楚。不過就佢經常喺IG晒名牌嘅行徑,其實都甚為港女,而佢仲曾經公開表示過:「我好大使,佢(馬國明)養唔起我架。因為我嘅理念係你都唔知人生幾有長,呢刻我鍾意嘅都會盡量買俾自己,我係好活在當下嘅人。」係未暗示馬國明唔夠富貴?定預計到自己遲早會出事,所以早買早享受呢?!

只要一有放假,黃心穎都定必外遊,去到外地,連佢自己都話「無理由唔振興經濟」。

30歲嘅黃心穎入行7年多,有樓又有車,本身已60萬Jeep越野四驅車代步嘅佢,去年以120萬入手白色保時捷跑車,而佢當時亦承認係因為工作收入大增,故換車獎勵自己。除咗車同樓之外,試過被影到同媽媽於名牌LV買到一袋二袋嘅黃心穎,亦曾於IG分享其價值7萬元嘅Hermès Birkin Bag、CHANEL J12手錶,仲話「做人有時就係要寵壞下自己」。而偷食當日,黃心穎身穿嘅BALENCIAGA近期頻頻出現喺佢身上。

CHANEL J12手錶約兩萬多,對黃心穎嚟講好濕碎。而佢當時入手嘅理由係:「同我人生第一隻米奇錶太似所以唔買唔得」呢個藉口真係無得輸。

早年以Jeep越野四驅車代步嘅黃心憤,去年以120萬入手白色保時捷跑車。

除咗港女必備品牌之外,潮牌Vetements、SUPRME亦不時可以喺黃心穎身上發現,無論係衫、褲、帽都有,早前LV X SUPREME圍巾,炒價約為一萬多元,黃心穎亦都有條。另外,有指之前馬國明曾買下約20多萬嘅Boucheron鑽戒送予黃心穎作為訂情禮物。

LV聯乘SUPREME頸巾。

有指黃心穎手上嘅Boucheron鑽戒係係馬明送嘅。

+11
+10
+9


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。