鄭俊弘戥吳業坤紅館開騷高興：有向他要飛
撰文：陳奕熙
出版：更新：
歌手鄭俊弘(Fred)於皇室堡舉行演唱會DVD簽唱會，現場約200人圍觀，Fred即場獻唱首唱兩首歌，又同歌迷大玩遊戲，期間歌迷親吻Fred手持的卡板，又扮鬼扮馬圍住阿Fred跳唱，雖然受到fans愛戴，但Fred就一臉無奈。
Fred同fans玩遊戲，未知是否遊戲太重口味，搞到Fred一臉尷尬。（符祥定攝）
Fred笑言開完演唱會會有後遺症，會對舞台念念不忘。（符祥定攝）
Fred表示今次首次推出演唱會的DVD：「未正式問公司銷情，但出碟當天有巡唱碟舖，老闆話賣了很多隻，連宣傳卡板都被偷了。」問到可有計劃再開騷？他直言雖然距離上次開騷已經近一年，但再開騷未必趕得切：「做演唱會會有壓力，籌備過程會花上很多時間，而且唱完會有後遺症，會好掛住在台上的感覺。」講到可有機會再下一城在紅館開騷？他表示要待公司安排，又話好戥八月在紅館開騷的吳業坤開心，有向他要飛。
Fred用自拍神棍，與fans大合照。（符祥定攝）