御用「反派王」李天翔離巢無綫：想睇吓外面世界係點
撰文：吳子生
出版：更新：
李天翔出席在上環文娛中心舉行的《李浩群攪乜X演唱會》記者會。有無綫御用「反派王」之稱李天翔，將於今年5月離巢無綫，坦言感激TVB這麼多年來的照顧：「公司真係好照顧我，一劇接一劇，真係忙到冇時間諗其他嘢，但到了今年咁啱份約又差不多完，所以要重新思考未來，因為自己年紀都唔細，怕再留喺度，再過多幾年，到時年紀大真係冇人用嘅時候，我又真係好擔心，咁所以我都係好想出去試一試，睇下外面世界係點。」
李天翔感激黑妹姐（李麗霞）帶契到內地登台搵銀。（陳順禎攝）
問到天翔「反派王」之名，會否擔心成為絆腳石？他笑言：「其實一套劇裡面更會有反派角色嘅，無論電視劇或電影都會有反派，其實到宜家啲人都會問我，做反派我係好享受，因為我仍有進步空間，同時對我嚟講反派角色發揮空間比正派大，咁所以我係唔介意完咗合約，其他公司繼續搵我演反派。」
李天翔表示合約完結後，暫未有發展大計，笑言自己不介意繼續演反派。（陳順禎攝）
+4