【鐵探】網民激讚Bingo髮型夠貼地 姜皓文：要有走佬逃難狀態
撰文：吳子生
出版：更新：
姜皓文（黑仔）孖住愛妻殷寧，出席在上環文娛中心舉行的《李浩群攪乜X演唱會》記者會。無綫近期熱播劇集《鐵探》收視口碑強勁，姜皓文在劇中飾臥底Bingo一角，演技大獲好評，網民更激讚「大賊」造型非常神似夠晒貼地，原來黑仔刻意將頭髮整亂：「因為我覺得呢一個係悲情角色，髮型唔應該咁整齊，應該成日有一種走佬逃難嘅狀態，其實Bingo邊有時間去整頭呀，咁所以個頭成日都好蓬鬆又亂亂地嘅，不過後期我自己就手多多執返靚仔啲，但俾導演發覺點解靚仔咗，要求我整返亂佢，哈哈。」
黑仔憑《鐵探》中飾演Bingo一角成功入屋，小朋友在行上見到黑仔都大叫Bingo，黑仔開心表示老懷安慰。（陳順禎攝）
殷寧大爆黑仔每晚好似阿Sir上身，盤問有否收看《鐵探》劇集。殷寧笑言：「因為佢呢排要拍嘢，所以佢睇唔到，咁所以佢每晚返到屋企時，都會問我今晚睇咗《鐵探》未，其實我好勤力每晚都會追，好似琴晚嗰集冇佢我都有睇，不過有時覺得佢有啲位演得麻麻哋，咁所以佢係要再努力，哈哈。」
愛妻殷寜笑言雖然黑仔經常演這類角色看到厭倦：「不過心中最愛演員一定係我老公姜皓文」。（陳順禎攝）
+1