羅天宇爆自己對陽光敏感 拍外景曬傷:琴日隻手腫到豬手咁

撰文:
最後更新日期:

羅天宇出席「明星慈善籃球賽」,與森美、翟威廉、周志康和蘇皓兒等藝人,跟甲一籃球運動員一同在運動較量兼為慈善出力。羅天宇接受《香港01》記者訪問時,透露自己原來對陽光敏感,昨天拍外景時手被曬傷:「琴日腫到成隻豬手咁,好彩今日搽咗cream退咗啲,所以今晚就可以打到籃球。」羅天宇形象非常陽光,想不到原來竟然對陽光敏感,他指:「好多活動都做唔到,最主要係拍外景,因為拍外景好多時都會長時間喺陽光底下。」

羅天宇參加「明星慈善籃球賽」,一展身手。(陳順禎攝)

羅天宇現正拍攝《降魔的2.0》,原來他是第一次拍「打戲」:「拍完個成功感好大,因為有時啲動作都唔係咁容易做㗎嘛,尤其是我哋拍嗰個位係石灘嚟,好多石嘅,所以好多時候都失重心,其實係一個磨練嚟嘅,或者今次拍完之後,自己都真係去上吓堂啊,練吓呢方面嘅嘢,好實用。」

羅天宇正在拍《降魔的2.0》,自爆行十年原來是第一次拍角色在劇中要「死」的戲份,他感覺新鮮。(陳順禎攝)

早前羅天宇跟舊愛湯洛雯(Roxanne)遠赴挪威拍攝《3日2夜》,羅天宇指拍攝時的天氣不好,打亂了一些計劃中的行程,因為天氣問題,連極光都觀賞不到。但他就笑言跟前女友Roxanne合作沒有尷尬,「因為我哋本身都有聯絡嘅,我哋去嘅時候好有默契,佢又知道應該點樣去溝通,所有嘢都唔需要太顧及大家嘅感受,因為大家已經好熟悉對方,變咗拍攝嘅時候好順利。」對於外界指覺得他們好襯,想他們復合,羅天宇就坦言:「呢方面就遲啲再算啦,而家都係專注返事業先。」

羅天宇指挪威的拍攝旅程很精彩,自己也是第一次去歐洲。(陳順禎攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。