程美段向記者呻遭拖糧惹杜汶澤不滿 兩人關係正式決裂

撰文:張嘉敏
出版:更新:

曾經為無綫節目《美女廚房》擔任美女學徒的程美段 (Kiwi) 月前演出了杜汶澤受的網上煮食節目,她和阿澤合作之前還於fb post了兩人的撓手合照,留言表示:「摸過他後都不想洗手了。」而有她演出的集數已於3月播完,不過原來Kiwi由1月拍攝完畢,至4月底才收到應得的$9000酬勞。昨日就爆出了Kiwi向記者呻自己遲遲仍未收到阿澤出糧,直至4月26日也未收到。結果阿澤得悉後,即於他的fb出post向Kiwi道歉,表示:「程美段小姐,好唔好意思,我哋一時疏忽,入咗錢去你戶口,唔記得通知你,搞到你以為我哋唔出糧。至於你走去同記者講,當然你有權咁做啦!不過我想問,𡃁仔,你無我電話咩?」明顯不滿Kiwi就他公司同事遲入數一事,未有直接向他了解,就先向傳媒報料。

兩人合作前關係曾經好好。(fb圖片)

隨後Kiwi亦有於fb回應阿澤,表示:「對於杜生疑問,我正在翻查處理所有銀行出入問題,稍後會有解釋成件事」而有關報道出街後,阿澤又再開post暗寸Kiwi,表示:「我作為公司CEO,責無旁貸!就於呢件事我再一次向程小姐道歉!不過我亦響度提醒其他同業,大家用呢個人記得小心啲,因為就算佢有你電話都好,有乜問題,佢都係同記者講咗先!所以記緊千祈唔好得罪佢呀知道嗎?程小姐,以你搏見報嘅能力,我相信你以後都會好成功!到時彈起咗,有乜用得著細佬,即管開聲吩附我!或者至少唔好趕絶我,比啖氣我唞下,已經好感恩。祝你前程錦繡!」

Kiwi於1月22日當日已經拍完該節目。(fb圖片)

而Kiwi之後即於她的fb反擊阿澤,將今次疑似拖糧事件的timeline寫了出來,圖文並茂作出反駁。她留言表示:「就杜汶澤先生Facebook疑問一事,我都想解釋一個清楚,當中我可能有處理不當,所世上所有事,都離唔開「人之常情」四個字。」Kiwi指出今年1月22日為阿澤的網台進行所有集數拍攝,到4月4日及6日以WhatsApp聯絡了阿澤的公司同事豪仔,查詢有關出糧入數的情況,但兩次均得不到回覆。直至10日豪仔才詢問Kiwi的銀行資料表示準備過數,Kiwi亦即日將所需資料交給豪仔。直至14日Kiwi仍未收到錢,所以在離港前再次追問豪仔,但卻得不到回覆。Kiwi直言豪仔咁忙,有時揀WhatsApp去覆都是人之常情。她又指自己要不斷接job維持生活,當面對遲入數、沒人回覆,焦慮也是人之常情。

Kiwi回應阿澤。(fb圖片)

而Kiwi昨日 (27日) 終於收到豪仔send給她的出糧入數紙相片,上面顯示入數日期是2019年4月4日,不過在4日的「4」字前面有少許印痕,不禁令人懷疑其實是24日入數的。不過姑且勿論是否打印上有問題,當Kiwi向豪仔求證時,豪仔已承認是在4月24日入數,表示:「24號,個2字無咗色」。最後Kiwi強調如果自己在事件上有做錯,她會道歉:「如果我等足3個月都未收到錢,仲長期畀對方已讀不回,咁都叫博見報,咁我程美段道歉,係我多口向記者講,抱歉,對唔住。」

呢張就係豪仔send畀Kiwi張入數紙。

點擊下圖睇下阿澤同Kiwi就今次事件喺fb嘅post:

+8

仲有Kiwi同阿澤喺節目入面合作嘅相,同埋佢嘅其他性感靚相:

+23