孖老婆齊齊打肉毒桿菌 貪靚陳浩民:咁流行,我唔做咪好蝕底?

撰文:
最後更新日期:

大多數藝人都靠樣搵食,貪靚當然眾所周知,講到做微調或整容就收得好密,有些「動工」後卻自稱純天然無添加。不過接受注射肉毒桿菌針的陳浩民,就敢做敢認。早前陳浩民跟服裝設計師太太蔣麗莎齊齊接受美容療程,打肉毒桿菌豐額減紋。問到對樣貌是否還覺得不滿意?他笑言:「想改善高低眉嘅問題,做Artist除咗演得、唱得,仲要睇得。依家醫學美容咁流行,我唔做咪好蝕底?我覺得整個過程幾得意,就叫老婆幫我揸機影相,冇諗過大家咁大反應。」

坊間坦承做過微調或整過容的明星很少,陳浩民何來膽色敢做敢認?他直言時代不同了,加上這些療程有很多人都做過,雖然有看過打肉毒桿菌奪命的新聞報導,所以一定要找有口碑的公司,亦不可以亂試。另外,誕下一子三女的太太蔣麗莎,外貌及身材從未走樣,是否受老公貪靚所影響?她謂:「唔關我事,佢成日都會出鏡,點都要Keep,所以經常都會去做Facial!」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。