鍾嘉欣攜子與處女黨成員RE-U 王君馨爆料:第一次真係好爽

撰文:
最後更新日期:

喺娛樂圈入面雖然個個人都係競爭對手,但一樣可以識到真心朋友。被外界稱為「處女黨」嘅鍾嘉欣、王君馨、苟芸慧、李亞男、岑麗香因為有共同信仰而成為好姐妹。雖然佢哋自後離巢無再一齊共事,但絕對無損佢哋之間情誼。最近嘉欣返港工作兼度假,當然有同呢班姐妹見下面啦。

鍾嘉欣、王君馨、苟芸慧、李亞男、岑麗香五位組成嘅「Amazing Esther」。(網上圖片)

由單身到結婚,姐妹們都一直相伴從不缺席。(微博圖片)

+13
+12
+11

鍾嘉欣帶埋一對仔女從加拿大回港,早兩日出席活動時化身主持訪問荷里活型男,飾演「星爵」嘅Chris Pratt,亦抽時間同劇集《溏心風暴》、《華麗轉身》嘅演員聚餐。呢日輪到姐妹們girls talk啦﹗嘉欣帶埋囝囝同王君馨、苟芸慧及李亞男見面,仲喺街頭合照。

嘉欣呢次返香港接落唔少工作,早兩日就客串活動主持訪問Chris Pratt。(鍾嘉欣IG)

嘉欣帶埋一對仔女同劇集《溏心風暴》演員聚餐。(鍾嘉欣IG)

除咗剛生完BB嘅香香之外,其餘4位靚靚人妻都有現身,王君馨仲喺IG爆原來呢晚係佢哋嘅第一次﹗「第一次成班姊妹喺街度行嚟行去,原來真係好爽!之前淨係係屋企聚會或者小(少)人的餐廳,今次好放縱﹗如果有套電影叫「媽媽特工」可以考慮我地(哋)。」大家見到幾位靚太喺街頭一齊出現,又真係會幾哄動嘅﹗難怪佢哋要揀夜深時分先喺街自拍啦。

王君馨爆料話相識多年原來佢哋係第一次齊齊行街。(王君馨IG)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。