【書展】麥明詩爆港姐聚會郭嘉文缺席 麥媽媽出書全家撐
撰文：郭敏玲
出版：更新：
麥明詩與麥媽媽一同到書展為新書舉行簽名會。（黃國立攝）
麥爸爸和哥哥都有現身撐場！（黃國立攝）
麥明詩（Louisa）與媽媽麥何小娟一同到書展為新書《我的女兒麥明詩》進行簽名會。麥媽媽提到出書，原來都關擔心人口老化事，「仔女一直都鼓勵我出書，另一方面見到而家好多人都話唔想生小朋友，唔想照顧細路仔，所以都擔心人口老化㗎。」而麥媽媽對於新書銷情平常心，只希望可以幫到更多家長。
至於Louisa出席完書展活動之後，晚上就要乘飛機往巴西，她指執行李執到頭都大埋，「今日都好忙，朝早要裝身，幫媽媽打扮，一陣返到去再執。」阿女要去巴西，媽媽又會否擔心？「都會，公司都會提供蚊怕水預防疫情，反而她坐飛機我不擔心，到埗會擔心啲。」Louisa聽到即刻話會報平安，真係乖。
另外，上屆港姐季軍郭嘉文被拍到與富豪李澤楷同遊東京，麥明詩表示今早看新聞才知悉此事，日常與對方少談感情事。而日前上屆港姐聚會，郭嘉文當時已經不見人。Louisa表示：「大家都想齊人，但工作忙碌都無辦法。遲下都要係港姐決賽先見到面。」
麥明詩早前與上屆港姐聚會，冠軍亞軍都在場，但就不見季軍郭嘉文。（麥明詩instagram）