【性敢中環】連詩雅面對愛情比較被動 不容許有第三者:我會離開

撰文:
最後更新日期:

網劇《性敢中環》今日(8日)舉行發佈會,擔任主演的何珮瑜、連詩雅、雨僑、陳嘉莉及鄭欣宜組成「中環五月天」出席活動,連詩雅(Shiga)今次在劇中飾演心理醫生,能醫卻不能自醫:「雨僑就係我best friend,但我哋之後有三角關係,就產生咗好大誤會。」Shiga稱自己是第一次飾演專業人士:「喺用聲方面係有啲困難,今次就唔可以用普通女孩子嘅聲,而係要有磁性去講對白,會比較有說服力。」

Shiga今日穿白色露背連身裙出席活動,瞬間吸引全場焦點。(葉志明攝)

Shiga又說自己與角色的感情觀相似,都比較內斂:「我遇到一個鍾意嘅人嘅時候,我係會比較怕醜,同埋我唔係比較主動嘅性格;我自己就喜歡由朋友開始。」如果在自己的感情生活中遇到第三者會如何處理?Shiga說:「我個人比較被動、唔鍾意複雜。我會諗我嘅另一半點解會容許呢件事發生,即係佢心裡面已經有第二個存在,咁我就會離開。既然佢嘅心已經唔係得我一個,有一次就會有第二次。」

Shiga說自己的角色在中環五月天中最不大膽,因為職業的關係相對較理性。(葉志明攝)

Shiga又分享印象最深刻的一場戲是與雨僑吵架的那一場:「其實《性敢中環》係想講女性嘅自主態度,我哋因為一個誤會而嗌大交,當和好如初嘅時候就喊到力竭聲嘶,其實有好深感受。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。