冼灝英親爆當年拍《凶貓》被劉家良踢落地送院:喺醫院昏迷咗三日

撰文:
最後更新日期:

冼灝英大部份叫做冼師傅,縱橫演藝圈三十多年,是數一數二的「老戲骨」演技精湛,亦是圈中武林高手,很多演員如蕭正楠及黃浩然等人都拜他為師。冼師傅憶述童年時家住北角邨,有5位妹妹,他在家中排行最大是哥哥,自幼受李小龍薰陶,18歲那年跟隨《大聖劈掛門》第二代掌門人陳秀中習武:「想當年我哋細過嘅時候都冇乜嘢玩,都係玩下波子拍下公仔紙,因一次機緣巧合,跟隨我堂兄冼林煜去武館睇佢練武,就係咁就開始咗跟師父習武。」

 

冼灝英(右一)在無綫劇集《鐵探》中飾演黎Sir一角,演技備受網民讚賞。(TVb電視畫面截圖)

家人反對加入娛樂圈  偷偷去報名

在80年代初,冼師傅上擂台參與搏擊比賽,被電影製片看中,邀請他在電影《擂台》客串演出,因而與戲行結緣:「個次做完之後,覺得都幾有興趣,咁啱𠴱陣時邵氏招募動作演員,有見自己學咗8至10年功夫,就偷偷走咗去報名,因為屋企人比較傳統,認為要正正經經咁搵份工做,當時我係返梗寫字樓工做助理文員,咁所以佢哋係反對我入呢一行,睇返當年初入行,啲師兄做替身,日薪都有幾百蚊,係當時嚟講人工都幾高,但我哋啲新人就冇佢哋搵得多。」

劉家良師父這腳一踢,將洗灝英正個人直飛入升降機內後發生意外。(電影《凶貓》影片截圖)

冼灝英就是拍攝這個倒地鏡頭受傷昏迷送院,3日後才甦醒過來。(電影《凶貓》影片截圖)

經歷嚴重意外 冼師傅承諾婚後不再做替身

投身演藝圈後,便跟隨劉家良師傅做副指導及武師替身等工作,他憶述做替身時受傷不計其數,曾試過一日內撞穿頭及撞爆眉骨,共縫10針,但提及曾經拍攝電影《凶貓》時嚴重受傷,心裡仍有餘悸:「當時劇情講述劉家良師傅到工廠大廈捉鬼,當時我做保安員驅趕佢離開,然後同佢發生打鬥,被佢一腳踢開直飛入升降𨋢內,當時距離都有13尺遠,當時因拉扯力度過大,速度太快導致失誤,正個人撞向硬物,甦醒過來已經是第三日,當時女朋友(現任太太)都好擔心,咁所以承諾婚後唔再做替身做演員。」

冼灝英(左一)曾參演ATV 劇集《香港奇案 之 AK47》飾演劫匪。(ATV電視畫面截圖)

97年經歷人生低潮   迫做司機補家計

90年代頭,冼師傅便轉投亞洲電視做演員,憑著一副凶神惡煞樣貌,粗獷健碩身形,反派角色因而接踵而來,事業家庭可唯兩得意。但好景不常,到了97年時亞洲電視資金出現問題,內部傳出裁員消息,當時已是兩子之父的冼師傅經歷婚後首個人生關口:「頭個幾年好多戲開,到咗95年我細仔出世之後,屋企嘅開支生活費負擔係好大壓力,到咗97年𠴱陣時,亞洲電視其中一名老闆話唔做,當時前景好差,電視劇集製作量開始走下波,惟有自己諗多啲方法搵錢,咁啱太太又識插花,就去開咗間花店,教人學插花幫補收入,而自己又就去開班教人功夫,亦試過去兼任做結婚花車司機去幫補家計,捱咗好多年,太太從來都冇怨言,好多謝太太一路咁支持我。」

冼師父一星期三日教拳,徒弟多不勝數。(梁碧玲攝)

每日堅持練功 保持身心健康 

冼師父今年60有一,與太太育有兩子,大仔今年25歲剛大畢業,留在美國工作發展,細仔現年23歲仍在求學階版。他坦言:「仔大仔世界,佢哋如果想做娛樂圈絕冇反對,只要佢哋喜歡做咩都會支持佢哋,我宜家一個星期教拳教3日,閒時都會練功保持身心健康,演戲係我嘅興趣,期望可以持續參與拍攝工作。」無論工作有多忙,每逢結婚紀念日及太太生日,冼師傅都必定會為愛妻特別安排旅行慶祝,並共度二人世界,原來鐵漢也有柔情一面。

冼師父表示從來沒有後悔加入娛樂圈。(梁碧玲攝)

+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。