【3日2夜】伍樂怡斥5位數做老闆 開網店賣防曬運動裝自己做Model

撰文:
最後更新日期:

Kelly加上Judy這個《3日2夜》組合吸引到十分多觀眾,受觀迎程度直迫張曦雯。(受訪者提供)

夏天將近,不少人也會趁陽光普照的天氣出海滑水。不過滑水同時,對部份貪靚怕曬黑的女仕,陽光又的確讓她們又愛又恨。TVB藝人伍樂怡(Kelly Ng)自與鄺潔楹(Judy)一同主持《3日2夜》後,就成為了網民心中的「女神」,相信大家都會記得她身穿泳裝玩水上活動的鏡頭。鏡頭前玩得不亦樂乎,原來鏡頭後的她也鍾情於滑水等水上活動,甚至於自己開網店,售賣設計防曬運動裝。

伍樂怡表示,這件防曬滑水衣設計特別顯瘦。

伍樂怡接受《香港01》訪問時說:「我呢間網店賣嘅係防曬運動裝,可以滑水用又可以平日做任何戶外運動都着得。原本概念係想滑水用,因為長期曬太陽傷皮膚,又要不停補防曬,仲會污染環境。同埋因為自己容易曬黑,但係又鍾意戶外運動,所以入咗行呢2年都減少咗做運動,因為做呢行曬得太黑又唔係咁好,所以我先諗到防曬,自己想搵又搵唔到合心水,所以先想設計『Wearable Sunscreen』,自己鍾意之餘,又可以帶到畀其他人。」

按連結睇伍樂怡​(Kelly)有幾Fit:

【3日2夜】TVB禁色令解禁? 鄺潔楹、伍樂怡一秒除衫騷比堅尼

【3日2夜.多圖】伍樂怡24吋小蠻腰唔使keep:除咗條腰都冇咩好露

除了水上活動,伍樂怡亦都十分喜愛騎馬。(伍樂怡IG圖片)

她表示,這間網店算是由她一手包辦的,前後籌備足足花了4個月時間。「初次創業,所以投資額唔係高,哈哈。(有冇十萬?)又冇咁多,5位數啦,不過真實數字就唔講啦。今次由設計、搵料、測試成品,到整網站都係自己做,啱啱開始都係要自己着自己做模特兒,希望減低啲成本,哈哈。不過將來做得Ok嘅,先再搵其他Model。」

拍攝《3日2夜》的時候,她也曬黑了不少。

網店所有事情都一手包辦,那麼會不會親自做送貨員將貨物親自送到客戶手上?她回答說:「哈哈哈,Shipping會搞掂㗎啦喇,不過遲啲會有度身訂造服務,俾人加個名上去,所以到時我都有機會自己親手送貨。」

伍樂怡表示將會推出滑水衣的客製化服務,到時有機會親身送貨。(受訪者提供)

今次開網店做老闆娘,Kelly可算是落足心機,尤其是設計這一部份。「可能係我唔識畫圖嘅關係,又唔係好在行,所以由設計到有成品,再改良,都有4,5次以上,仲未計自己着上身出去滑水,試下件衫係咪真係有用同埋着上身靚唔靚。其實一開始都唔止呢幾個款,但係過程真係幾繁複,試完有幾件效果冇乜好,所以最後都唔係話有太多款拎出嚟賣,貴精不貴多囉。而家開咗鋪之後,我都會慢慢設計多啲款,一路會加多啲嘢落去。」

+7
+7
+7


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。