【大醬園】拍古裝劇套頭套 徐榮面臨禿頭危機：啲頭髮稀疏咗好多
撰文：吳子生
出版：更新：
徐榮今日（14/5）現身將軍澳電視城古裝街，為無綫劇集《大醬園》拍攝工作。徐榮在劇中飾演萬啟江一角，在家中4兄弟中排行最細，老大是吳岱融、老二是鄭子誠及老三陳嘉輝：「子誠哥在戲裡面同我係同一派嘅，因為大家都想謀住屋企嘅財產，而嘉輝哥為人就好老實，經常俾我哋蝦嘅。」
徐榮表示每次化妝連戴頭套，需時個半小時。（梁碧玲攝）
談及炎夏拍古裝劇辛酸史，徐榮笑言：「過往經驗話我知，拍攝古裝劇，必備電風扇、冰紙巾、蚊怕水及冰水，不過經過一個月時間嘅洗禮，去咗南生圍及又好偏僻嘅地方拍攝，身體上開始適應咗，唯一唔適應係黐頭套，以前聽啲前輩講，黐得多頭套會甩頭髮，以前對我嚟講唔係好信嘅，呢排唔知係咪黐得多，啲頭髮好似稀疏咗好多，咁我希望唔會係啦，如果真係嘅話，有冇啲植髮公司可以幫下我呀。」
徐榮憂心拍攝古裝劇經常戴頭套，令頭髮有脫髮跡象。（梁碧玲攝）