【婚姻合伙人】倉底翻生有好評  高海寧:劇集都有命運

撰文:
最後更新日期:

高海寧(高Ling)今日(17/5)現身商台接受電台訪問,為無綫劇集《婚姻合伙人》宣傳造勢。首次擔正劇集女主角,高Ling難免會緊張:「每晚我都有追睇,有時收工夜咗,我都會睇返重播,又會上網睇網民嘅留言,有一句網民嘅說話令我好開心,佢話睇呢套劇完全睇唔到係高海寧,只睇到呢個角色貝競枝,聽完呢句說話,我非常開心,係一個好大嘅鼓勵與認同感。」

高Ling在劇中演一名地產經紀,為了演好角色,她特意安排真地產代理員,實地睇樓,從中學習銷售服務技巧。(陳順禎攝)

劇集《婚姻合伙人》17年拍攝完成,原先安排在18年暑假檔期播放,但最終被抽起,播放劇集《BB來了》。高Ling回想當年劇集被抽起時,真是百般滋味在心頭:「心情係少少失落嘅,因為又要睇下先有得睇,但又唔知又要等到幾時,但問我係唔係唔開心,但又唔係,因為當時《BB來了》,其實我都有份做,咁所以又冇話有太大唔開心,劇集出到嚟效果又好好,李佳芯更因為呢套劇攞埋視后,咁所以每一套劇都有佢嘅命運,而《BB來了》就是佢播放最好時機,宜家就係《婚姻合伙人》最好播放時間。」

早年高Ling以過5百萬元,購入油塘物業成為業主,她透露供款年期為30年,月供5位數字。(陳順禎攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。