容祖兒大讚關智斌善良 反被指「Mean精」

撰文:
最後更新日期:

容祖兒(Joey)同關智斌(Kenny)嘅旅遊節目《斌祖二世古》來到最後一集,二人展開咗一段深情對話,原來十年前Kenny寫咗首歌俾祖兒,但佢沒有告訴祖兒,選擇將呢個秘密埋藏心底,直到今時今日先講出來,睇住Kenny 寫畀自己嘅歌詞,祖兒感動到眼濕濕。

Kenny 十年前寫咗首歌畀祖兒,這首歌就是《勇氣情歌》,但一直冇話佢知,直到今次一齊拍節目先將呢個十年嘅秘密講出嚟,真係好超Sweet!(《斌祖二世古 Pretty Crazy 》影片截圖)

祖兒 同Kenny 共事16年,講起對大家的評價,Kenny回憶有一次一齊拍攝北京中央電視台嘅劇集,Kenny指當時祖兒因為劇組安排失當發火,但完全惡唔出樣,令佢印象深刻。Kenny又指祖兒喺朋友當中係一名「mean精」,祖兒講過一句說話令Kenny記足一世,「Kenny你真係好靚仔,不過可惜而家唔興你呢啲樣。」聽番Kenny咁講,祖兒即刻爆笑;至於祖兒就話Kenny一直都冇變過,係最善良的人,每次需要佢的時候,佢都會喺度。祖兒亦提到Kenny一個人返內地拍劇,係要好毅力先可以捱過,係好值得尊重。

+5
+4
+3

Kenny隨後提起,有一年頒獎禮令佢印象好深刻,當年祖兒奪女歌手獎嘅呼聲好高,但網民話要集氣喝倒采,坐在台下的Kenny表示好為佢擔心,佢認為當年祖兒真係好努力,「我覺得就算你拎唔到獎,都唔deserve被『噓』。」祖兒得獎上台後,真係有人「噓」,祖兒當時衝口而出講咗一句說話:「你哋唔係『噓』我呀嘛?」祖兒憶起呢段往事,認為當年衝動咗,「因為覺得有責任去保護我嘅朋友、同事。」

因為呢件事,Kenny就填咗一份歌詞《勇氣情歌》鼓勵祖兒,仲即場播俾祖兒聽,祖兒邊聽邊細味歌詞,「好多謝你呀寫歌畀我。」真係感動到呢。事後祖兒話:「冇諗過佢會識填詞,而且係為我而寫,感動已經唔能夠去形容到我嘅心情。我哋都係睇住對方成長、睇住大家經歷過啲乜,呢份友誼真係好難得。我真係好希望演唱會上可以唱到呢首歌。」

祖兒和Kenny 一起成長,一齊經歷了很多。(《斌祖二世古 Pretty Crazy 》影片截圖)

問到Kenny點解將呢個秘密收埋咁耐都唔講,佢就話:「因為我個人比較內斂,亦都覺得唔好意思。」十年後佢將呢個秘密公諸於世,佢話多得公司content team同佢brainstorm番出嚟,「最後一晚,團隊想我講啲我哋之間發生過而佢唔知嘅事、或者我為佢做過啲乜,我都諗咗好耐先記得番呢件事。如果唔係呢個節目,我真係冇諗住講。」

Kenny表示其實佢好鍾意填詞,以往每隻碟都會有自己嘅作品。問到佢仲有乜嘢想同祖兒講,Kenny話不如唱出嚟,「朋友嘅嘢心照啦,我哋好少講出口,我哋通常唱出嚟,希望我再有機會為佢寫隻歌,用歌講畀佢聽。」

+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。