歐陽震華自爆未紅時不被尊重 拍《壹號皇庭》令好多鹹魚翻生

撰文:
最後更新日期:

於無綫出身的歐陽震華 (Bobby),昨日於商台為Do姐鄭裕玲主持的節目擔任嘉賓,雖然他早已貴為一線小生,擔正演出過多套經典劇集的男一角色,兼且成為了收視福將,但他未成名之前當然也捱過不少日子。他在Do姐的訪問時就重提自己在TVB浮浮沉沉的日子,自言當時唔識得罪人,所以別人就有恃無恐了。Bobby說:「曾經試過有個PA打嚟,佢話『喂,有個嫖客搵你做呀』我心諗嫖客都搵我做呀?問佢咁有無對白㗎,佢話『嫖客使乜對白吖,總之有水抽吖』,我話『吓,你當我咩呀?』我真係Cut佢線。哈,咁樣反而好喎,以後唔使做嫖客,無呢啲電話。所以有時咩都啞忍吞咗去,未必一定係好事。」

Bobby昨日接受Do姐嘅電台節目訪問。(歐陽震華微博圖片)

Bobby表示自那時開始就一直在等待機會,直至等到《壹號皇庭》。他說:「其實喺拍《壹號皇庭》之前,我諗住做埋嗰年就唔做㗎喇,完咗約就唔續㗎喇,因為嗰時人工真係奀到得幾千蚊一個月。」此時Do姐即笑言:「可能依家都係。」Bobby續說:「《壹號皇庭》無男一嘅,嗰時個個男主角都係均等嘅,鄭秀文都係做二、三線,仲要暗戀我而我係唔so佢嘅,呢個劇本真係一世都感恩。」嗰時呢套劇播係諗住攝期,沒想到播出後會如此受歡迎。問到Bobby如果沒有《壹號皇庭》他是否已經轉行了,他說:「如果無《壹號皇庭》,好多人都轉咗行,我諗包括陶大宇、蘇永康全部都要轉行,全部都係鹹魚嚟嘅。」而全靠這套劇,他們都鹹魚翻生了,Bobby亦自此由半紅不黑的二、三線躍身成為一線小生。

Bobby話拍《壹號皇庭》之前,陶大宇同蘇永康都係鹹魚。(歐陽震華微博圖片)

Bobby透露由於《壹號皇庭》的出現令他繼續留在TVB,但他拍完《壹號皇庭II》之後有離開過無綫,當時公司竟然沒有跟他續約,由得他自然流失,他跟公司說想轉部頭約,不過公司沒有回覆他。Bobby說:「我最記得拍完《壹號皇庭II》之後我就約滿,走嗰日我行出閘口,心諗『咁就唔要我喇?』點知我出到去,真係大開眼界,喺出面拍劇拍戲,嗰一年賺嘅係喺無綫10年賺到嘅錢。」而他重返TVB是因為開拍《壹號皇庭III》,當時他決定轉部頭形式跟公司合作。他又表示近日返TVB客串兩集《開心速遞》是他主動跟TVB高層曾勵珍提出的:「群姐 (許思敏 飾) 默默耕耘咗30幾年,佢好有心做戲,做我哋呢行好需要鼓勵,又或者當係獎勵啦,咁我返去就可以出師有名話『我返嚟同群姐做兩集啦。』大家都好開心。」

Bobby表示離開TVB後再重返是因為要開拍《壹號皇庭III》。(歐陽震華微博圖片)

點擊下圖重溫令Bobby鹹魚翻生嘅《壹號皇庭》片段,以及Bobby其他靚相:

+9
+8
+7


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。