袁偉豪笠黑絲現身旺角鬧市 坐等梁競徽和蔡思貝找數
撰文：鄺鈺瑩
出版：更新：
袁偉豪最後睇中黃色絲襪。（影片截圖）
大台劇集《鐵探》以高收視落幕，身為主角嘅惠英紅同姜浩文日前以身動答謝影迷，並先後笠絲襪現身鬧市購物，而同樣都係劇集主角嘅袁偉豪，日前亦現身旺角「找數」。
最終入手絲襪，並且開始巡街。（影片截圖）
講到絲襪，袁偉豪似乎都有啲要求，最先睇中黃色絲襪嘅佢，拎上手研究一番之後，怕物料問題難抖氣，於是就行足一條街去搵「黑絲」，最終喺老闆推薦下，袁偉豪選擇咗魚網絲襪，並即時笠上頭，繼而出巡一樣，不時與路人打招呼同合照，最後走到珍珠奶茶店，並表示：「我唔係姜皓文！我係袁偉豪，垶Sir。」袁偉豪之後接受訪問時，笑言有街坊問佢係未準備去打劫。找數結束後，袁偉豪點名下位找數演員：「現在我將這個任務交予梁競徽和蔡思貝。」
去埋買珍珠奶茶。（影片截圖）