【媽媽唔易造】52歲陳麗麗初嘗人媽慈味：從未放棄要小朋友念頭
撰文：吳子生
出版：更新：
黃澤鋒愛妻陳麗麗今日（23/5）出席在將軍澳舉行的無綫節目《媽媽唔易造》記者會。年屆52歲初為人母的陳麗麗透露，腹中胎兒經已30多週：「感覺到佢開始長肉，個肚開始暴脹大咗好多，會發覺噚日同今日行步路都會好唔同，變得好辛苦，但又會諗到佢好快會出世，咁所以好期待到時佢會俾咩反應我。」
陳麗麗今日出席無綫節目《媽媽唔易造》記者會。（梁碧玲攝）
2010年陳麗麗下嫁無綫藝人黃澤鋒，他們兩人一直渴望有下一代，經歷了9個年頭後，今年成功懷孕佗B女，無懼高齡產婦所帶來的風險。麗麗情深直說：「我同澤鋒相識時我已經40歲，我哋都覺得相逢恨晚，咁所以喺呢段日子裡頭，我哋都不斷努力造人，從來都無放棄過唔要小朋友嘅念頭，但原來明白到我哋嘅身體係攰嘅，咁所以後期我放棄我份教拳工作，調理好身體大半年後就有咗BB，好感謝上天賜個寶寶俾我。」
眾靚媽嘉賓上台分享做人媽心得。（梁碧玲攝）