【法證先鋒IV】重拍在即 湯洛雯英國旅行跑步意外拗柴:好崩潰

撰文:
最後更新日期:

湯洛雯(靚湯)今日(25/5)現身柴灣出席無綫劇集《婚姻合伙人》宣傳造勢活動。靚湯表示睇返兩年前所拍攝劇集,覺得自己在劇中的造型,有點傻豬豬的感覺:「其實自己唔係好敢睇,因為自己好怕醜,在劇中我係飾演一名經常「黑面」嘅角色,而自己本身笑點好低,所以睇返時覺得唔似自己嘅。」

湯洛雯今日出席無綫劇集《婚姻合伙人》宣傳造勢活動。(陳志嵐 攝)

無綫劇集《法證先鋒lV》黃心穎戲份落實由靚湯接替,梅小清更開口要求靚湯減磅,重拍時間在即,靚湯為求成功減磅,不惜在英國旅行時每日跑步,還差點發生意外:「其實過到去我都努力Keep Fit,所以每日都去跑街,去到最後嗰日,可能已經係旅行嘅尾段行咗好多路,個人開始腳軟,跑跑下先右腳『拗柴』,休息一陣再跑左腳又『拗柴』,成個人攤咗落地下,即刻沿住地面爬去路邊休息,嗰下個人真係好崩潰,因為之後仲要開劇,如果我整親,真係唔知道點算。」幸好休息一會後,已沒大礙仲行得到。

湯洛雯睇返兩年前自己在劇中的角色造型,覺得有點尷尬。(陳志嵐 攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。