【婚姻合伙人】劇中咬字不清 原來背後有因 高海寧:當時好嚴重

撰文:
最後更新日期:

高海寧(高Ling)今日(25/5)現身柴灣出席無綫劇集《婚姻合伙人》宣傳造勢活動。高Ling表示每晚都會追看劇集:「睇返兩年前自己嘅演出,其實有啲位係可以處理得好啲嘅,再睇返當時自己個樣,比較宜家係瘦啲,係越拍越瘦,你哋會喺一啲場口可能會見到我塊面圓圓腫腫,但有啲又好精緻又好瘦,咁所以我覺得瘦啲原來上鏡係靚啲。」

楊明與高海寧今日出席《婚姻合伙人》宣傳造勢活動。(陳志嵐攝)

這套輕鬆愛情小品劇集《婚姻合伙人》成功入屋俘虜一眾視迷,高Ling在劇中神勇性感演出更為吸睛,連每一句對白發音咬字都備受視迷關注,有網友表示高Ling講較長對白時,咬字唔清晰。原來背後係有莫大因由,大家聽下高Ling點講:「其實我想同大家講對唔住,其實我宜家都仲箍緊牙,而當時我係啱啱上牙箍,仲要係箍喺裡面,咁所以又拆唔到,可以講當時係好嚴重,因為適應唔到,但到宜家就算我好想咬實啲字嘅時候,你都聽到我有好似漏風咁嘅情況,而我今早同醫生講我可唔可以拆咗佢,醫生話俾多一個月佢,所以我好期待一個月後,我可以做返咬字清晰嘅我啦。」

高Ling表示在劇中因箍牙導致咬字不正確,現向視迷道歉。(陳志嵐攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。