朱智賢否認整容解釋只因箍過牙同化妝:阿爸話我化妝前後係兩個人

撰文:
最後更新日期:

於2013年參選香港小姐出身而加入無綫的朱智賢 (Ashley) ,以雖然沒有贏得任何名次,但樣靚身材正的她依然成功俘虜了一班粉絲。Ashley向來走自然美的路線,以及以一雙修長美腿見稱,不過昨日卻有報道指她曾經整容。有爆料者提供了一張陳年舊照指Ashley整過眼和鼻,相中的Ashley樣貌明顯跟現在不同。《香港01》電話訪問了她,她承認相中人是自己,但就否認有整容。

Ashley樣靚身材正,佢崇尚自然美。(ig@ashley_ellabel圖片)

她說:「呢張相係10幾20年前影嘅,嗰時我得十幾歲,唔係好識化妝,同埋我相信好多人10幾20年前後個樣都會有分別。加上我25歲時有箍過牙,箍咗3年幾,當時總共剝咗8隻牙,箍牙前後個樣都會唔同。未箍牙。前我唔會露齒笑,能夠E起棚牙笑係我細個嘅夢想。」而她當空姐時也有在箍牙。

一齊睇下Ashley變靚後嘅靚相:

+7
+6
+5

大家覺得Ashley右一) 以前個樣同依家有無分別?(朱智賢facebook圖片)

Ashley坦言自己不會考慮整容,即使打針微調也不會,她說:「咁樣會好唔自然,我祟尚自然美。」對於被指現在個樣比前靚了好多,她笑言:「其實係大家無見過我無化妝個樣啫,化咗妝真係可以靚好多。我都好驚畀人見到自己素顏,因為見過嘅人啲反應都好驚訝,佢哋表現到簡直唔敢相信咁。就連我阿爸見到都話『嘩,阿妹,你化妝前後完全係兩個人嚟』,佢都好驚訝。我阿媽仲叫我『你無化妝唔好出街嚇人』,所以我唔敢素顏示人,平日落街都會戴眼鏡、戴帽甚至戴口罩遮住。我喺TVB化妝間等化妝時,畀人見到我素顏個樣都會覺得唔好意思。」估不到原來Ashley對自己無化妝個樣咁無信心。

佢話佢唔化妝個樣好驚嚇。(朱智賢facebook圖片)

點擊下圖睇下Ashley嘅近照同埋佢以前嘅相,大家又覺得有無咩分別呢?

+14
+13
+12


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。