【婚姻合伙人】高海寧戲內愛收兵 戲外派好人卡:我從來冇收兵

撰文:
最後更新日期:

《婚姻合伙人》中的女主角貝競枝由高海寧飾演,劇中的貝競枝性格相當不討好,劇中的貝競枝性格以金錢為首,除了錢對很多事情也不作考慮,更做了一件事情令香港男性討厭她的事情,那就是「收兵」。

其實當初接下這角色時候對於高Ling來說是一種挑戰,先不說是她第一次當女主角,說說角色先,她說:「呢個角色同我真係好唔似,我接呢個角色時候係捉摸唔到要點去演,唔知角色係點樣嘅性格,佢畀人感覺冷冰冰,難以接近,而我本身性格呢就係同邊個都可以吹水,我都算偏向樂觀同開心,所以真係一啲都唔似。我真係花咗一啲時間去了解佢身世,到最後我係同情呢個角色。」

唔知觀眾覺得高海寧係《婚姻合伙人》中嘅表現覺得點呢?(網上截圖)

再說到這個角色在劇中其實也有「收兵」,對於「收兵」這件事情,高Ling其實本能上是很抗拒:「我自己其實對待感情比較率直,好少去做收兵,從小到大我都唔會收兵,係我世界來講唔係黑就白,所以一係鍾意你,一係唔鍾意你,唔鍾意你我唔會畀錯誤訊息你,因為欠落情債我覺得係要還。」

 

說回<婚姻合伙人>這套劇集,不說觀眾可能未必知道,其實這次是高Ling第一次擔任女主角。在TVB這11年首次能擔任女主角她的心情非筆墨能所形容。不過劇集在最初拍攝完畢後便不了了之,播放期一直沒有消息,令到這劇集成為「倉底貨」,若沒有「安心」事件,其實可能這劇集能夠何時播出亦是未知之數。高Ling覺得這其實是天意:「有人同我講過其實播出時間唔係演員決定,我哋演員已經做好自己本分,不過其實呢套劇依家先播我都覺得好合適,雖然話拍完呢套劇已經係兩年前嘅事,但呢套劇嘅題材好貼地,因為講買樓係好貼切香港人買樓問題,所以依家播我都覺得好適合。」

高Ling個樣好兇呀!!(網上截圖)

楊明係套劇裡面好慘呀!(網上截圖)

然而第一次做女主角承受壓力是非常大,雖然挑戰大,但挑戰成功後心態也相對提升,回望兩年前,高Ling感慨確實有些地方不足:「有啲場口我見到係拍得冇咁好,因為開始拍頭一星期其實好迷失,唔知道要點做個角色,做嘅時候又唔識放鬆,好穩陣咁做到劇本要求就算,但之後慢慢投入角色就越做越好,最緊要係當時我塊面瘦啲。」

+10
+9
+8


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。