【如果這樣生活】李佳芯無悔30歲轉做演員:有段時間要借錢度日

撰文:
最後更新日期:

回望過去6年嘅演員日子,李佳芯甚為感觸。(影片截圖)

無綫節目《如果這樣生活》昨晚一集有女神李佳芯(Ali),拉大隊去到西藏高原拍攝,李佳芯回望6年前由有線電視嘅主拎,加入無綫做演員嘅日子,她表示當時身邊有不少人反對,最大原因係怕佢會將所餘無幾嘅青春輸掉,但佢仍然堅持一搏。「一開始點解會嚟公司?係因為真係鍾意拍劇,無收入到點樣?零囉。有段時候可以真係話係用借錢度日嚟形容,基本上銀行提唔到100蚊呢啲……我好多同事都試過。」

加入大台後,李佳芯第一次拍劇就係咁同楊明錫。(影片截圖)

加入大台後,李佳芯雖然參演不少劇集,但角色唔係小三就係情婦,而對於自己嘅幕前初吻,李佳芯至今依然印象深刻。「第一次拍劇係得兩三場戲,我係飾演對前男友狂追猛打嘅角色,搵到對方之後同佢講『我唔係無咗你』然後就係咁錫錫錫,我第一次開鏡就要咁錫,嗰時心理創傷幾大,話晒我都係女仔人家。」李佳芯口中嘅前男友,正正就係《單戀雙城》嘅楊明,二人於劇中一見面就係鍚同鍚,對於當時仲係新手嘅李佳芯嚟講,又確係充滿難度。

「十年前都搭過瑪尼堆,當時心態同而家好唔一樣,當時覺得疊得愈高愈好,而家覺得其實高唔高,唔緊要最緊要係疊得穩。」(影片截圖)

對於唔係做小三就係做情婦嘅日子,李佳芯表示:「嗰時係開心,唔會有時間唔開心。因為入到嚟,初初係真係無人搵我做嘢,心態係你搵我做小三即係有戲做啦、即係有得發揮啦,演員心態就係咁。」聽落其實都幾無奈,不過最慘嘅係當觀眾入晒戲時,會真係當你小三嚟鬧。「聽過最難聽咪就係,有啲好投入嘅觀眾會覺得佢真係好賤格、個樣都真係好狐狸精。」相信大家對李佳芯喺《巨輪II》中,被吳岱融飾演嘅鷲哥大鬧「臭雞」都仲好有印象。

「拎獎其實我覺得係好好彩,因為好多人同樣行緊呢條路,比我多好多年,其實每個人都有付出努力,邊個無付出努力?的而且確係幸運。」(資料圖片)

盤點呢6年無綫到底對李佳芯製造幾多「心理創傷」!!!

+8
+7
+6


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。