【退休女皇】無望與李泰民合作 景黛音：唔得咪搵第二個靚仔頂上
撰文：賴家杰
出版：更新：
景黛音（Flora）相隔32年再拍劇，這次她接下ViuTV全新劇集《退休女皇》中的女主角角色。景黛音再次拍劇表示毫無壓力：「我都唔知道點解冇壓力，可能拍劇呢件事係好自然嘅事，同埋大家相處好融洽，大家都好開心。」景黛音對手戲最多是姜濤，也是她欽點姜濤飾演這個角色，更幫他角色改了名字做姜太呢，景黛音解釋：「佢吸引到我嘅係佢唔多說話，佢有自己性格，當然靚仔都係其中一個因素。不過我主要拍返劇都係為咗一個靚仔，就係李泰民，可惜呢個靚仔唔得咪搵第二個靚仔頂上。」
姜濤被景黛音點名讚靚仔。（梁碧玲攝）
而外界認為這次景黛音復出拍劇是硬撼TVB，她說到當然不會：「我邊有資格，我邊撼得起，我靠姜濤。」最後劇集拍完後景黛音表示短時間再也不會接新劇：「我之後唔會拍劇住，啱啱記者朋友叫我唔好講到一定唔拍咁，所以依家講唔會住，不過我都會繼續休息一段好長時間。」
景黛音事隔32年後再拍劇，想不到會是Viutv。（梁碧玲攝）