【網絡騙案】陳曉華處女拍劇坦言有壓力:好希望有人鬧下我

撰文:
最後更新日期:

2018年港姐冠軍陳曉華 (Hera) 出席無綫新劇《網絡騙案》開鏡拜神儀式,首次拍劇的Hera早前被影到拍攝時表現緊張,她坦言處女作演出有一定的壓力:「第一日拍嗰時我好緊張,依家耐咗好好多喇,我覺得最難係講嘢嘅方法,我飾演一個女警,個角色講嘢好大聲好響亮同比較穩重,同真實嘅我唔同,自己平時講嘢比較輕聲又講得好快。(NG得多唔多?) NG次數唔算多,暫時未畀人鬧過。」

陳曉華出席無綫新劇《網絡騙案》開鏡拜神儀式。(葉志明攝)

Hera好多謝一班前輩都有經常提點她和教導她,問到她可會怕演得不好而被鬧,她說:「我好希望有人鬧下我,如果我有咩做得唔啱,可以即時話返畀我知,等我可以改返好,咁先會有進步,所以唔使錫住我,我好受教。」她又謂不覺得拍劇辛苦:「唔辛苦,因為套劇好多時都係夜晚拍,fit晒我嘅瞓覺時間,我係夜鬼嚟,平時都係朝早先瞓覺。」

Hera話好想有人鬧下佢。(葉志明攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。