【網絡騙案】楊明自爆被阿媽呃咗38年 高海寧承認有畀男仔呃過

撰文:
最後更新日期:

高海寧 (高Ling) 與楊明 (Matt) 於無綫劇《婚姻合伙人》合作後,再於新劇《網絡騙案》中合作,兩人齊齊出席該劇的開鏡拜神儀式。提到於這套劇中兩人並非飾演一對,沒有親熱戲份,那麼Matt的女友莊思明便不會呷醋,對此Matt和高Ling即異口同聲表示:「思明不嬲都無呷醋,佢講笑啫。」兩人又謂如果要拍攝親熱場面,都會事先與另一半知會聲,高Ling說:「不過我工作自由度好大嘅。」

Matt同高Ling於新劇中並非飾演一對。(葉志明攝)

問到高Ling同Matt在真實世界中可有被騙得最慘的一次經歷,Matt表示:「我畀我阿媽呃我38年,佢成日都叫我做衰仔,呢個係一個好大嘅大話,明明我就係一個乖仔嚟。但係我無嬲佢,依然都係咁愛佢。」高Ling亦力證Matt是一個好男仔,還經常會在公司被長輩讚他乖仔,包括Lisa姐汪明荃。而高Ling也坦承自己曾經被男仔呃過:「都已經過咗去,唔想提。」兩人今次再合作,希望能為觀眾帶來新鮮感,雖然有默契,然而第一日拍攝竟然感到緊張和有壓力。他們各自拍了多套劇集未出街,好期待作品可以排住隊播出。

佢哋一齊出席新劇開鏡拜神儀式。(葉志明攝)

點擊下圖睇睇呢套劇開鏡拜神儀式嘅情況:

+3
+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。