【早霸王】小儀友人遇主動女 首見面即進擊:成件事好有幻想空間

撰文:
最後更新日期:

(影片截圖)

每逄星期五先會喺《早霸王》出現嘅「  你知道唔知道有人掛住你 」,不時都會有聽眾分享自己嘅網上情緣,而每次聽到有網戀時,森美都十分好奇到底點先可以發生到。而喺日前一集《早霸王》,小儀就分享咗佢男性友人嘅網上交友經過……過程十分爆笑。

這些機會,森美只係得個聽字。(影片截圖)

小儀表示男性朋友喺網上識咗一位女仕,經過多次傾談之後,發現大家都算投契,於是就相約見面。「食飯期間個女人都有意無意flirt我朋友,食食下,朋友見佢個嘴沾到醬汁,於是就好gentleman咁伸手幫佢抹……」一聽到伸手,森美同Marco都好大反應,直指小儀嘅男性友人做多咗。之不過,原來好戲在後頭,因為當呢位男士嘅手碰到女士嘅嘴角時,「個女仔突然擘大口含佢手指,之後仲啜咗幾下!」第一次見面就進擊到含手指,成件事真係好幻想空間!之不過,小儀就話佢朋友經此一含後,唔敢再搵呢位女士。而對於網戀存有好多幻想嘅森美,就直指小儀朋友唔道德,仲話:「伸手擺明就係主動,人哋配合你,你朋友仲轉頭去唱人哋。」又笑問其實係未個男仔隻手指都有醬汁,所以女士先會出口相助,最後仲大讚呢位女士:「熱情如火, 世間難求」似乎森美都好想試一試喎。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。