【單車遊學團】征途中意外炒車受傷 麥明詩:爸爸媽媽睇到好憤怒

撰文:吳子生
出版:更新:

麥明詩今日(19/6)現身尖沙咀出席《明愛暖萬心》記者會。明詩表示與汪明荃(Liza)鄧梓峰及丁子朗合作做司儀,對我嚟講係一個大挑戰,因為通常都係同陸浩明合作,咁暫時未摸到大家合作上嘅默契,同埋Liza姐令人比較緊張啲,其實都有啲壓力,因為Liza姐做事精益求精,希望可以做到佢嘅期望啦。」

發生意外後,麥明詩好感謝大家的關心。(葉志明攝)

無綫節目《單車遊學圈》周日(16/6)播出首集,麥明詩聯同隊友潘梓鋒、龔朗賢及王德志踏入廣西時,因路面崎嶇不平,麥明詩意外炒車倒地受傷,表情痛苦難當,事後送醫檢查。明詩直言:「阿爸阿媽第一次睇到我受傷時嘅情況,佢哋都好憤怒,因為我一路都唔敢俾佢哋睇,其實遲啲早啲佢哋點都要知,佢哋睇到嘅時候話我:『點解你可以咁樣㗎!』但好彩最後都冇事。」

 

麥明詩表示身上仍留有炒車時造成的傷痕。(葉志明攝)