黃淑儀自認反叛19歲下嫁39歲名導 為離婚逃走加拿大

撰文:
最後更新日期:

黃淑儀直認曾為愛情放棄好多嘢,但並不感到後悔。(影片截圖)

人稱GiGi姐嘅黃淑儀曾經歷兩段婚姻,佢日前到商台節目《一圈圈》訪問時,提到年少時性格反叛,19歲時不理父母反對,也不顧及如日方中嘅事業,下嫁比自己年長20歲嘅資深導演劉芳剛。「我覺得我搵到可付託終生嘅人,同埋佢有事業、經濟基礎,我唔需要大富大貴,咁我覺得有安全感。」黃淑儀表示前夫十分大男人,但她並不介意每日如同服侍大老爺一樣,更認為這是妻子的責任,但隨住時間嘅過去,黃淑儀開始對這樣嘅人生感到懷疑,逐於77年突然消失香港,隨胞弟去到加拿大。「我哋完全無衝突,只不過覺得我係未可以用呢啲時間去外面學嘢,或者做自己喜歡的事。」她表示當時選擇分居,是因為劉芳剛不同意離婚,但對方最後都係接受了。

黃淑儀與前夫育有一仔一女、與現任丈夫則育有兩子,細仔徐肇平現在ViuTV藝人。(IG圖片)

離婚後一年,黃淑儀在朋友嘅婚禮上認識了現在丈夫徐景清醫生,她指二人無論在價值觀或人生嘅睇法都十分合拍。為了陪同老公到英國考取專業資格學位,黃淑儀為愛情放棄了事業,主動向《蕭十一郎》嘅導演及編劇提出刪減戲份嘅要求。二人結婚多年,黃淑儀表示最欣賞丈夫對她與前夫所生嘅小朋友十分照顧,問到二人嘅相處之道,黃淑儀表示:「記住大家嘅優點, 忘記對方嘅缺點」。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。