林芊妤唔淮自己太性感 著緊身衫都怕尷尬:我係咪變咗呀?

撰文:
最後更新日期:

林芊妤(Coffee)今天(26日)出席內衣品牌活動,一向性感大膽的她,當然是以性感的內衣登場。而更大膽的是她是由家中穿着內衣到這活動場地,Coffee笑言:「我今日就咁着出門口,我仲去整埋頭髮添。不過其實我都有一件西裝褸着住上身,但係到現場我就覺得自己比較密實,因為見到沈卓盈同王麗嘉都好性感。」

 

Coffee自稱現在已沒有太多男粉絲,因為自從做瑜伽導師後,男粉絲數量下降,變成90%也是女粉絲。(葉志明攝)

自從結婚和生完小朋友後,Coffee對內衣要求的款式也不高,她解釋:「其實我依家仲係餵緊人奶嘅媽媽,所以我都係著母乳內衣,呢啲內衣可以性感得去邊呀。所以其實都唔會好性感。」但是今天因為工關係要穿上性感內衣,Coffee會否怕老公介意?「其實佢唔知,佢都唔會理我工作,我老公對我完全自由度100,我同佢講返聲Ok,但今日冇講,不過唔緊要啦,佢唔會介意,因為佢外國返嚟嘛,佢唔係中國人咁傳統。」

Coffee指生完小朋友後工作更加忙,因為很多廣告商也找她和兒子拍廣告。(葉志明攝)

Coffee表示現在的她有意無意也會刻意收起性感:「其實我有時候會好尷尬,試過著一條裙緊身少少,Show到好好身材,屋企工人都讚我著得著。但我照鏡望一望都係唔好,著返鬆身衫,我變咗啦,係咪呀?」

另外自從兒子出生後,Coffee坦言工作比之前更忙,更覺得老公找到一個好老婆:「我依家忙過生BB之前,除左照顧囝仔,好多人都鍾意佢,包括廣告商,所以成日都母子檔出去拍廣告。加上其實幫老公慳好多,奶粉又唔洗錢,我餵人奶嘛,尿片又有贊助,我老公娶啱人。」

Coffee透露接下來會想打造一個屬於自己的瑜伽品牌。(葉志明攝)

三位性感女神同場有林芊妤(左一)、沈卓盈及王麗嘉(右一)。(葉志明攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。