【港男】「翻版林奕匡」馬俊傑外表陽光又強壯 曾參加配對真人騷
撰文：郭敏玲
出版：更新：
就咁望住Linus個樣，係幾陽光，再向手臂望望，嘩！不得了。（黃國立攝）
14位港男快將出發到台灣拍攝外景，兼且進行地獄式訓練。早前負責港男選美的統籌經理余詠珊講明今屆男生不會有泳裝環節，但當然不會白白浪費掉一班參賽者日練夜練的胸肌還有強勁臂彎，於是就安排港男在健身中心備戰，並且「係咁意」畀少少肌肉大家睇咁！與此同時，當觀眾眼見來來去去都是大熱幾個，都要留意一下有潛質做後起之秀的港男，bookmark一下，以備不時之需嘛！
芸芸港男健身備戰，就見到馬俊傑（Linus）令人有意外驚喜！外貌有些少似林奕匡的他，笑容甚為陽光，看五官便覺得他會走鄰家陽光路線，誰不知他穿上黑色貼身背心，手臀粗度絕不遜色於另一大熱梁裕恆（Flow）！可以走多重路線，睇得又操得！
Linus相當有潛力，自然就要起底。發現他在去年曾經參加過內地配對真人show《非常完美》，當時有網民都有留意過他，指他外表帥氣，適合在娛樂圈工作。不過他在真人騷自我介紹的時候，說的普通話又似乎真係幾普通，主持人聽得一頭霧水，鬧出了一場笑話。雖然Linus出現過短短幾集，但之前做freelance平面模特兒的他，表示上節目可以儲經驗，對自己事業或會有幫助。上得告白真人show，又有無同節目中的女生聯絡呢？他靦腆地說：「無啦！完咗（節目）就真係完。」Linus如今再參加港男，甚麼挑戰都是過眼雲煙啦！
Linus在節目上斯斯文文、怕怕羞羞，一開口講普通話，唔知點解都幾有喜感。（節目截圖）
另一位候選港男王瑋彤（Tony）都有上過《非常完美》。（節目截圖）