【教束】憑校園電視台記者深受視迷喜愛 張蔓莎:好鍾意呢套劇!

撰文:吳子生
出版:更新:

張蔓莎(Sabrina)今日(5/7)現身銅鑼灣出席著名品牌活動。Sabrina透露最近忙拍電影和上配音班:「今次拍呢套電影,同平時做嘅角色好唔同,會有一個嶄新嘅嘗試,而月尾就會有一個配音要做,可以話呢個月感覺好似好多元化啲,雖然工作時間上會比較忙,可能少咗休息,但我就最鍾意,因為我係工作狂,工作越多,個人就越開心,人就自然靚啦。」

張蔓莎(Sabrina)今日出席著名品牌活動。(劉智源攝)

提到有份參演ViuTv劇集《教束》,今晚(5/7)將會大結局,心情如何?Sabrina直言說:「其實佢哋《教束》個邊成班人,今晚有叫我同GiGi(孖生姐姐張蔓姿)一齊睇大結局嘅,咁我哋應該會去嘅,因為呢個月好多時都喺內哋做梗嘢,咁所以冇完全追晒每一集,其實自己都有睇少少,都好鍾意呢套劇集嘅,亦好開心有人私底下留言俾我,讚我同GiGi做得好。」

Sabrina表示自己是工作狂,越多嘢做越開心。(劉智源攝)
張蔓莎透露稍後會拍電影和做配音工作。(劉智源攝)