【後生仔傾吓偈】麥明詩講放榜 最擔心原來唔係成績:真係O咗嘴

撰文:
最後更新日期:

麥明詩話從未都無諗過自己會考獲10A。(影片截圖)

最新一集《後生仔傾吓偈》以「放榜」為主題,身為「10優港姐」兼主持嘅麥明詩自然有唔少嘢可以發表。「放榜前一晚我寫咗個表,幾多會有咩action,因為當時我已經報咗外國寄宿學校,已經收咗,所以都無壓力。」麥明詩於09年香港中學會考取得10優佳績,其母校為拔萃女書院,佢話當時學校只係宣布有三位狀元,加上自己從未諗過會考得咁好,所以當聽到自己個名時完全係O嘴。「好記得我個嘴同下巴跌咗落嚟,要我旁邊的同學係咁推去上台。」有後生仔問到當時心情是否跟台慶一樣,麥明詩直言「應過開心過台慶」。之不過,收到成績單後,麥明詩即時打比仍在去學校路上嘅父母,但或者係太激動,所以一聽到媽媽把聲之後,只係喊過不停,搞到麥媽媽以為佢考得唔理想。

睇返當時麥明詩嘅十優照,除咗包包面之外,又確係有唔少暗瘡。(影片截圖)

佢仲話因為媽媽太姿整,所以遲到。喺得知佢考獲10優後,千叮萬囑佢要等埋影合照。(影片截圖)

由於女拔年年都有狀元,所以放榜當日例有記者守候,而當父母得知麥明詩成為十優之後,第一時間係吩咐個女等埋佢哋一齊影相。之不過,講到呢張相,麥明詩就有少少嬲。「我最嬲係學校無(預先)打比我哋,搞到我嗰日無化妝,啲面油都飛晒出嚟,你明唔明踎喺圖書館兩年會係咩樣?當時我記得自己係115磅,好肥。兩年淨係溫書,啲暗瘡飛晒出嚟,當時校風又好純樸 問唔到人借化妝品……」
 

馮盈盈為第一屆DSE嘅白老鼠,當時考獲三科5*嘅佢,收到成績表之後只係掛住同同學玩,完全唔記得打比爸爸媽媽。(影片截圖)

+5
+4
+3


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。