【港姐2019】網民爆楊慧敏有「公主病」:嗰陣時好鍾意做乞人憎事

撰文:吳子生
出版:更新:

《2019香港小姐競選》今日(10/7)在九龍灣國際展貿中心舉行記者會。近日有周刊報道指今屆入圍候選佳麗楊慧敏(Mina)讀大學時期是個「孤獨精」,與同學之間關係甚差,曾經試過在班會活動時,提出玩遊戲輸咗要除衫懲罰,個性開放。隨後讀完書出來做了差不多一年空姐,因太過「公主病」被同事排斥,奉旨要男同事幫手攞行李過X-Ray,搞到神憎鬼厭。

 

Mina表示不介意公開戀情,認為自己都25歲,拍拖都好正常,並不擔心影響選情。(葉志明攝)

對上述指控Mina接受《香港01》訪問時說:「個陣時我係一個讀書怪,係一個學霸,我嗰陣時好鍾意做啲最乞人憎嘅行為,會舉手問老師我可唔可以有多啲工課做,我想準備好啲嘅公開試,又會要求老師可唔可以有多啲突擊測驗,可能嗰陣時我係一個好鍾意進步嘅一個女仔,可能就係咁令到其他同學不滿。」

 

《2019香港小姐競選》楊慧敏(Mina)。(葉志明攝)

對於被爆做空姐時「公主病」發作,被同事排斥Mina深表抱歉話:「機倉服務員係我第一份工,可能初入去做時,真係唔係好知佢嘅哋規矩,當時真係搞出咗一啲問題,例如在送餐時,搞錯咗客人要嘅餐菜,至於話我在班會活動時,主動話玩遊戲輸咗要除衫,自己印象係冇講過。」

Mina覺得新髮型非常襯自己,表示越睇越靚。(葉志明攝)
15名入圍候選佳麗會見傳媒。(葉志明攝)