人妻孫慧雪連環出寫真、散文集 力撼兩大美魔女

撰文:鄺鈺瑩
出版:更新:
既有散文集又有寫真,孫慧雪很忙。(IG@snow711)

一年容易又書展,年年都有唔少女星、𡃁模推出寫真、散文集,今年除有兩大魔女溫碧霞同羅霖之外,同樣係人妻嘅孫慧雪亦都加入戰團,推出《那個願沒有圓》散文集。身材向來都甚有睇頭嘅佢,今次為以最佳狀態示人,怒減27磅!連孫慧雪自己都話有唔少福利圖,不過佢就強調出散文集用意係想大家更了解佢。

而除咗散文集之外,阿雪其實亦參與由司徒夾帶操刀嘅《私圖》,雖然呢本寫真集大成於一身(內有Miss Hunny、丁彥均、林小美等6位女星),但封面就由阿雪坐鎮,以低胸裙盡顯4吋事業線,再加多個咬士多多啤梨嘅甫士,非常誘人。其實《私圖》中有唔少相大家都可能見過,不過負責操刀嘅司徒夾帶就話因為太多人問「仲有冇多啲?」,故決定以呢本書嚟到滿足大家。
 

《私圖》呢張相好多幻想空間。(司徒夾帶FB圖片)
+3

同樣都係人妻,睇完37歲嘅孫慧雪寫真/散文集之後。 再睇睇53歲嘅溫碧霞,視覺效果一樣係咁震撼。

+4

再睇埋近53歲羅霖嘅《羅霖凍齡美魔法》,雖近年羅霖不時都大騷事業線,但佢日前就宣布唔會再影泳裝照,咁之後再出寫真用咩嚟做賣點呀?!