【白色強人.專訪】郭晉安用奸樣演繹好人:相信我今日嘅功力做到

撰文:
最後更新日期:

「其實YT唔係奸角」,相信每一位看完《白色強人》的觀眾都會有同感。入行超過30年的郭晉安,演過無數經典角色,但原來這次是他第一次穿上醫生袍演戲。在劇中飾演腦神經外科醫生楊逸滔(YT)的安仔,為了實現醫改大計,不擇手段。正當觀眾以為他又是奸到出汁之際,安仔再次用演技證明,其實用奸的方法去演繹一個好人,才是最高境界。

服裝提供:DURBAN

場地提供:香港九龍貝爾特酒店

郭晉安近年在多套劇集中演奸角,但在《白色強人》中,他飾演的楊逸滔醫生很特別。(梁碧玲攝)

《白色強人》是安仔入行以來首次穿上醫生袍演戲,雖然過往有不少經典醫療劇,但他就認為這次的角色很特別:「呢個人物有理性同感性兩面,理性嗰面係佢要推行醫改方案,如果有人攔阻,佢會毫不考慮將佢哋篩走,係一個好深謀遠慮,天機算盡嘅人物。但當佢救人嘅時候佢又將感性嗰面表露無遺,好有人性。佢對John哥(姜大衛)係唔會賣人情、唔會畀面佢,但對Ali(李佳芯)、張曦雯就係真情嘅一面,馬國明就再特別啲,同佢嘅戲會立體啲、好玩啲。佢以為我唔係一個正直嘅人,同我搞對抗,喺咁嘅角力底下,我對住佢就會有好多唔同嘅表現。」

安仔在劇中與姜大衛飾演的呂院長因為醫改方案而鬥爭,兩人互不相讓。(劇照)

但當他面對住張曦雯,就是一位好上司,同時也會關心身邊人,噓寒問暖。(劇照)

+5
+4
+3

劇集播映之初他被定義為「奸角」,但相信有追看的觀眾都會發現其實YT是一位好醫生,對此,安仔也有同感:「奸角嘅定義就係殺人放火啦,為求目的無惡不作,但YT唔係講緊個人嘅利益,佢可以用好多唔同嘅方法表達,而我就選取咗一個令觀眾覺得佢係一個反派嘅人物去表達。我相信我今日嘅功力可以做到,正如《忠奸人》佢唔似一個反派,但又無惡不作。」

劇集播映初期,不少觀眾都以為安仔的角色是奸角,但其實他只是用奸的方法演繹一個好人。(劇照)

安仔在《忠奸人》中看似是一個好人,實質無惡不作,喪盡天良!(電視截圖)

由《與敵同行》、《忠奸人》、《再創世紀》再到《白色強人》,安仔近年演活了不少奸角,但他從不擔心會在一對仔女心目中留下壞人的形象:「佢哋知呢個係我嘅工作,就算我唔講,佢哋啲同學都會講『尋日你爸爸殺人呀』,但係佢哋明係做戲。」不過安仔就透露一對仔女不會看他的劇集,因為看不懂:「佢哋睇Marvel就會明。而家啲小朋友未必會坐定定睇一套劇集,我都期望有一日佢哋睇返我嘅作品嘅時候會對我了解多啲。我唔會要求佢今日睇,可能某一年佢會將我全部嘅作品睇一次,所以我希望我之後嘅作品都有一個欣賞價值喺度。」

安仔笑言一對仔女寧願睇Marvel都唔睇自己的作品,但他相信他們有一日會懂得欣賞。(梁碧玲攝)

YT在劇中是一個說一不二、權力至上的人,但在現實生活中安仔就好尊重家人的意見:「我係一家之主,但我會好融入佢哋個世界。小朋友呢個年紀會面對好多情緒嘅波動,我就會好控制自己嘅情緒去對佢哋。可能佢哋會有好多投訴,我都會盡量唔好俾佢哋嘅情緒牽引。」

安仔同太太歐倩怡結婚23年,一直非常恩愛。(梁碧玲攝)

《白色強人》是安仔與TVB經理人合約的最後一部劇集,劇集由開播到結局都好評如潮,不少人都睇好安仔奪得視帝:「到時先諗啦,我唔會因為呢個成績引申到有咩獎,我拍嘅時候冇咁諗,到播嘅時候都唔會諗住,或者到時先睇下觀眾嘅迴響。獎都只係嗰一晚頒畀你,但如果一套劇可以令人重複再睇,嗰個滿足感會再大啲。」

安仔與馬國明的對手戲亦十分精彩。(劇照)

去年安仔決定離開TVB,轉投王祖藍的經理人公司,除了想轉換一下工作環境之外,他也坦言離不開一個「錢」字:「價錢好緊要,如果唔係高嘅話,咁我不如繼續喺TVB啦。當然佢哋真係畀到好高嘅價錢,呢個亦係吸引我哋返內地拍劇嘅原因。我只可以話你畀咁嘅價錢,唔會浪費,我一定會做到呢個價錢要嘅嘢。」安仔如今每年只拍一套TVB劇集,但如果同內地劇撞期,他又會點揀呢?「如果劇本好好,價錢又好高,我會叫經理人叫佢遲啲先拍囉。反正佢要我郭晉安一定知道我會幫佢賺到錢,非我不做嘅,咪是但一個推遲囉,呢個係經理人嘅問題,經理人會頭痛過我,我唔需要諗。」

安仔去年轉簽王祖藍的經理人公司,積極進軍內地市場。(梁碧玲攝)

+8
+7
+6


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。