【包青天再起風雲】胡定欣冇興趣再爭視后：我已經唔諗呢啲
撰文：賴家杰
出版：更新：
胡定欣今天（15日）出席TVB電視劇《包青天再起風雲》的宣傳活動。定欣已經一年沒有劇集播出，她說：「今日再著返古裝造型，真係覺得好似一年冇喺公司開劇同冇做過劇造型，對上一次已經係《深宮計》，所以見返成班兄弟姊妹好開心。其實好得意，我過往三年出劇檔期都係暑假。你諗下本身都唔係呢個檔期出，但有事情發生咗，再安排過，幾特別。」
定欣指這次拍攝《包青天》過程很辛苦。（陳順禎攝）
一年沒有拍劇，定欣沒有去好好休息，她說反而是去了增值自己：「我冇乜點去過玩呢一年，反而我覺得呢段時間係好好咁去沉澱自己，又或者去嘗試唱歌，有呢啲時間去增值自己。開頭有段時間有少少唔習慣，但我覺得既然有機會去休息俾我去做自己想做嘅事，咁就好好去做。」
胡定欣在《包青天》中首次與好姐妹姚子羚對打，感覺很新鮮。（陳順禎攝）
其實定欣奪下TVB視后寶座後，拍劇心態已不再是為獎項，她直言：「我已經唔諗呢啲，我係諗點樣要做得更好。我覺得呢段時間係好好，因為開劇要全程投入，好少可以做其他事，去學其他事，例如：睇書、唱歌、跳舞、上堂等，咁依定家可以做自己想做嘅事。」