【港姐2019】曹永廉遭圍攻冇內涵 蕭正楠:話緊你

撰文:吳子生
出版:更新:

《2019香港小姐競選》15名入圍候選佳麗今日(17/7)連同4位型男黎耀祥、黃浩賢、曹永廉及蕭正楠一同現身澳門進行《香港小姐公爵特訓》。(問到4位型男公爵誰是心水佳麗?)浩賢笑言:「我噚日同阿祥哥就到咗,就考咗啲候選佳麗在談吐方面嘅嘢,都覺得佢哋每個表現都好平均。」祥哥就話:「我覺得一個人嘅內在美好重要。」浩賢直視望住阿廉話:「有啲人冇外型又冇內涵都好多人鍾意佢嘅。」

黎耀祥、曹永廉、黃浩賢及蕭正楠今日化身成型男公爵,為一眾候選佳麗進行特訓。(梁碧玲攝)

阿廉即時望住阿蕭話:「佢直頭話你啦,聽到都嬲呀!」阿蕭立即反駁話:「我都冇啫你,你睇我幾安靜,乜佢唔係講梗你咩。」阿廉續說:「其實今次我哋會慢慢睇下,等佢哋放鬆啲,先可以睇到一班候選佳麗嘅真正性格係點。」

黎耀祥認為參選佳麗外表要得體之外,內在美都好重。(梁碧玲攝)
黃浩賢笑指他們4兄弟經常鬥咀開玩笑,大家感情非常融合。(梁碧玲攝)