【晚吹 - 啪啪Partner】火雞姐忽然失蹤 網民成功爭取換主持?

撰文:
最後更新日期:

火雞姐突然被撤離《晚吹 - 啪啪Partner》,ViuTV公關解釋節目主持人會不定時更換。但點解只係換走火雞姐呢?都唔需要多講啦。(影片截圖)

由KOL晉身歌手行列嘅火雞姐丁可欣,年初被爆出求學時期曾欺凌同學兼偷電話,雖然事後佢已經拍片道歉,但網民似乎唔賣帳,因為自4月開始佢為ViuTV節目《晚吹 - 啪啪Partner》擔任主持後,留言如「火雞姐唔係教偷野」、「火雞?skip!」、「扮哂專家」頻頻出現喺ViuTV FB專頁,更有部分網民揚言要罷睇。

娟姐取代火雞姐主持最新一集《晚吹 - 啪啪Partner》。(IG圖片)

嘈足幾個月,最新一集《晚吹 - 啪啪Partner》繼續有夫妻檔嘅呂穎恆(Vera)同朱凱頌(Picco),但就唔見火雞姐,取而代之係曾主持ViuTV另一節目《全日情侶診所》嘅娟姐練美娟!娟姐一出,網民反應一致叫好,認為個性爽朗嘅娟姐成功帶動節目氣氛,亦有留言表示「換主持可以一看」,究竟網民是否集氣成功,將火雞姐踢出局呢?ViuTV公關表示:「節目主持人都係以嘉賓形式主持,所以都有可以會不定時更換。」答案十分官腔。再睇睇娟姐自己喺fb嘅留言:「講咗好快同大家見面」並加上「咁嚟緊逢星期一見啦」Hashtag,似乎已經印證網民集氣成功。

娟姐現為ViuTV藝人,之前曾主持《全日情侶診所》,同男主持豪dee走遍日本各大小時鐘酒店。(影片截圖)

火雞姐年初拍片坦誠自己過去的惡行。(影片截圖)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。