2014年，黃子華舉行第13個棟篤笑《唔黐線 唔正常》，當時正值「雨傘運動」，警方在那段期間共發出87枚催淚彈驅散示威者，引起各方面的巨大關注，事關當年香港人對催淚彈仍然好陌生。在棟篤笑上，黃子華說出「你可以話警隊專業，我亦相信警隊係專業，但而家嘅問題係，警隊掟催淚彈唔專業吖嘛？」，當然有原因，他說：「佢哋掟咗幾多次？香港太平盛世幾十年，幾廿年先掟1次，你10年冇煮過1次餸，你都唔係大廚喇？」
2014年，黃子華舉行第13個棟篤笑《唔黐線 唔正常》，當時正值「雨傘運動」，警方在那段期間共發出87枚催淚彈驅散示威者，引起各方面的巨大關注，事關當年香港人對催淚彈仍然好陌生。（視覺中國） 在棟篤笑上，黃子華說出「你可以話警隊專業，我亦相信警隊係專業，但而家嘅問題係，警隊掟催淚彈唔專業吖嘛？」，當然有原因，他說：「佢哋掟咗幾多次？香港太平盛世幾十年，幾廿年先掟1次，你10年冇煮過1次餸，你都唔係大廚喇？」（視覺中國） 其實《唔黐線 唔正常》還有更多精警金句，放在今時今日依然笑中有淚，立即重溫十大金句。（視覺中國） 1．「你想整容？可能會變成毀容，不過對你嚟講都冇乜分別喇！呢啲就叫整就死唔整又死，整就毀容，唔整就變周融。」（視覺中國） 2．「點樣戰勝資本主義？兩隻字，『吞pop』！不過都唔啱你哋架啦，因為要識得點『吞pop』都好辛苦架！」（網上圖片） 3．「你可以話警隊專業，我亦相信警隊係專業，但而家嘅問題係，警隊掟催淚彈唔專業吖嘛？佢哋掟咗幾多次？香港太平盛世幾十年，幾廿年先掟1次，你10年冇煮過1次餸，你都唔係大廚喇？」（網上圖片） 4．「如果我係政府，好簡單，警隊係專業嘅，但係掟催淚彈，佢哋係比較業餘嘅。冇問題㗎！等如抗議班人都係業餘，嗰班人唔係專業抗議者嚟㗎嘛！呢件事係一班業餘對一班業餘，咁咪一場誤會囉！使乜警民對立？」（網上圖片） 5．「啲人生仔就放前四後六，放幾個月假，死老竇就放1日，點解？因為所有嘢都係講生產力，你個仔生出嚟將來有生產力，你阿爸冇將來。屈原個仔死老竇有幾多日放？咪得端午節1日，佢仲要包粽去賣，有生產力添！」（網上圖片） 6．「耶穌出世有聖誕節，因為有生產力，咪放假囉！耶穌死係冇假放，然後耶穌復活又去放假，即係復活節。然後耶穌升天又冇假，升天係咩意思？退休移民，邊有生產力？」（網上圖片） 7．「我唔係話揸fit，我係話揸lift呀，有咩分別呀？揸fit就好似揸車咁樣，你可以周圍去，揸去邊都得。揸lift呢都係周圍去，不過就喺同一個地方周圍去，揸fit又係揸，揸lift又係揸，你唔係有得揸唔揸嘛？揸住先！」（網上圖片） 8．「葉劉仲話學生並非省油的燈，呢句嘢又係武俠小說嘅說話，即係你哋都係屬於古墓派喎睇嚟，你哋返翻個古墓喇。即係點呀？學生並非省油的燈，我不禁倒抽一口涼氣，於是發出689拳，都被雨遮一一擋住。」（網上圖片） 9．「梁振英就話我遣責所有暴力嘅人，喂明明係大人打細路，點樣所有用暴力嘅人啫？（講述當時「雨傘運動」的旺角情況）真係唔應該咁講我覺得。」（網上圖片） 10．「喺1997前我講過，香港回歸中國，就好似阿媽標仔參，誰來畀贖金？當時係個母子關係，當時大家以為係。但而家已經唔係，變咗奶奶同新抱嘅關係…而家香港嘅問題，係婆媳糾紛，所謂婆媳糾紛，係種必然瀨嘢嘅關係」（網上圖片）