【有片】徐小鳳開騷冇時間捉Pokemon 杜德偉送上比卡超
撰文：陳奕熙
出版：更新：
「熱烈地彈琴，熱烈地唱！」徐小鳳一共八晚的演唱會昨晚終於在紅館完滿結束，小鳳姐相識滿天下，尾場更請來杜德偉(Alex)，黃淑儀(Gigi姐)，薛家燕，李樂施及陳奐仁做嘉賓。
小鳳姐於紅館舉行一共八場紅館演唱會的尾場。（梁碧玲攝）
Alex擔心小鳳姐忙於開騷沒時間捉精靈，所以特別帶了比卡超公仔送給小鳳姐，工作人員替小鳳姐保管禮物時，小鳳姐更對禮物愛不釋手，淘氣話：「呢個唔畀！」（梁碧玲攝）
第一個出場的是Alex，小鳳姐更大讚沒有人比Alex着「超人褲」着得好睇，Alex就笑言有些人以為他是露體狂，不過因為演唱會貴賓多，所以由Alex三歲時裸照代替。隨後兩人合唱《信自己》。
Alex應小鳳姐要求大跳moonwalk，又教路話跳得好除了鞋要夠滑，還要夠脾力，即席邀請小鳳姐一齊行山，小鳳聽到就話：「行山？我情願行公司，我有個花名叫魔王，因為我是行魔（Mall）。」令全場大笑。（梁碧玲攝）
Alex笑言有人誤會他是露體狂，小鳳姐即說今晚多貴賓，不可以脫掉，大螢幕隨即放出Alex三歲時的裸照。（梁碧玲攝）
接着小鳳姐又請了好友黃淑儀和薛家燕即場上台，小鳳姐表示：「好溫暖，我們是同一個年代的朋友，當年睇妳們好多劇和綜藝節目，睇完後就知道自己做不到電影或電視，所以就唱歌。」Gigi姐表示父親是小鳳姐的擁躉，有次一家人去夜總會聽小鳳姐唱歌，生日的父親要她去同徐小鳳合照，結果銀包就一直放住兩人的合照，媽媽見到都不會詐型，小鳳姐即笑言：「好榮幸，所有男士放我的相，所有太太都好體諒，因為我沒有殺傷力。」
小鳳姐笑言家燕姐件衫遠睇似胸圍，令她想起當年有胸圍檔借她的名字宣傳。（梁碧玲攝）
而在小鳳姐下台換衫時，Gigi姐和家燕姐就合唱了一曲《偷偷摸摸》，換上紅色旗袍的小鳳姐一上台就同兩人一齊跳家燕姐的招牌十字步，小鳳姐問到：「為什麼突然跳起大媽舞？」家燕就自爆出「十字舞的秘密」：「望望這邊，又望望那邊，女人跳，男人會好鐘意。」
三人大跳十字步，家燕笑言是因為：「女人跳，男人會好鐘意。」（梁碧玲攝）
小鳳姐又突然爆笑話家燕姐件衫遠睇似胸圍，令全場大笑，她笑言當年女人街有一檔買胸圍：「個哥哥仔姐經常拿住胸團高呼「有胸圍賣呀，徐小鳳都著過！」我生氣到去捉他，關我什麼事！但我以後都不敢行這條街，這事讓人啼笑皆非的真實事情。」演唱會最後於11時36分完結。
小鳳姐笑言同陳奐仁合唱好似同隻貓合唱一樣。(梁碧玲攝)
李樂施樂晚晚都有棒小鳳姐場。(梁碧玲攝)