黎諾懿BB展扮售貨員拉客 呻常出埠無奈放棄「追豬女」計劃

撰文:翁漢瓏
出版:更新:

「暖爸」黎諾懿昨日(2日)以代言人身份到灣仔會議展覽中心參與「BB展」,期間他化身售貨員落場拉客,向在場人士推銷產品及派發紀念品,吸引大批巿民圍觀及索合照,場面墟冚。

黎諾懿在BB展大受歡迎。

黎諾懿除了演技了得,想不到落場做售貨員近距離拉客也難不到他,黎諾懿更自誇是Top Sales:「其實我細個做過四年暑期工,在書店當售貨員賣二手書,賣二手書比賣新書困難,要特別落力去推銷,所以練得一副好口才,而且要面皮厚、唔怕醜。」黎諾懿又提到今次到BB展,最令他感意外的是不少媽媽級巿民問他《BB來了》續集何時開拍,他謂:「想不到《BB來了》播完差不多一年,仲會有觀眾記得,追問我續集幾時拍,我同佢哋講會十月開拍,上集有好多BB替身飾演『允豬』角色,不過續集再沒有BB替身,今次『允豬』只得一個,所以要花較多時間去挑選一個較乖的BB來演。」

追B女是黎諾懿的目標,未知他能否實踐。

當被問到追「豬女」大計進展如何,黎諾懿表示徹底失敗,笑言自己唔爭氣:「今年經常出埠拍節目,所以追『豬女』計劃宣布失敗,不過我一直都有進行當中,希望可以追『鼠B』,係B女就最好。」身邊朋友徐榮、李霖恩都有囡囡,問到黎諾懿可有問他們意見,如何追B女,他表示:「冇問意見,不過佢哋話身體愈差,生B女機會愈大,其實我身體已經好差,之前在馬來西亞拍攝《懿想得到》時,可能食得太多榴槤、海鮮等食物,返港後發現腳趾腫,原來係『尿酸』,唯有急急戒口,食番清淡啲。」